Sana Mottaksdrift skal etablera 330 akuttplassar for flyktningar på Voss. Det er UDI som har inngått avtala med Sana Mottaksdrift, og dei første 100 plassane vil vera i drift alt frå 1. november, heiter det i ei melding frå UDI.
Sist endra 26.10.2023 13.01
Voss herad vart orientert om dette torsdag i førre veke. Dei 330 plassane skal vera på tidlegare Hiotell Jarl i Uttrågata og på tidlegare Liland hotell på Bulken.
Drift av mottaksplassane vil skje av Sana Mottaksdrift på oppdrag frå UDI, og Voss herad har slik sett ingen rolle i drifta utover å levera nødvendige kommunale tenester innan til dømes helse og skule.
Voss herad arbeider med å skaffa oversikt over kva auka behov dette vil gje, og korleis den kommunale organisasjonen skal rigga seg for å handtera dette.