Frå før av gjeld det generelle bålforbodet i eller i nærleiken av skog og anna utmark i perioden 15. april til 15. september. Dette omfattar alle typar grillar, stormkjøkken, bål, eingongsgrillar og bålpanner m.v.

Me frårår å tenna eld eller grilla i offentleg tilgjengelege parkar og friluftsområde, tilrettelagte badeplassar eller på heradet/kommunen sine tilrettelagte bål- og grillplassar.

Svært stor brannfare i det turre terrenget

Bakgrunnen for at me frårår bruk av open eld er den svært store brannfaren i terrenget i Vestland fylke. Det fine været har ført til at det er svært turt i flere område i regionen, i likheit med store deler av Sør-Norge ellers. 

- Den siste veka har brannvesenet rykkja ut til ei rekkje gras- og lyngbrannar i Vestland. Så seint som onsdag 14. juni var det ein krevjande brann i terrenget i Samnanger kommune, og denne viser tydeleg kor kritisk situasjonen no er. Derfor ser me oss nøydd til å innføra strengare restriksjonar, sier brannsjef David Skjerven.

Varigheit

Me rår i frå at det vert nytta open eld fram til det kjem nedbør av betydning. Dette gjeld også tenning av jonsokbål.

Verksemder må vurdera brannrisiko

Me ber verksemder, som driv med til dømes skogdrift, linjearbeid under kraft og tele, kantklipping av vegnettet, sliping av jernbanelinjer og liknande om å vurdere risikoen for brann og etablera tiltak for å redusere risikoen til eit akseptabelt nivå.

Grilling i eigen hage

Det er framleis akseptabelt å grilla i eigen hage. Alle som bur og oppheld seg i Voss, Eidfjord og Ulvik må likevel visa aktsemd med bruk av grillar og anna som kan forårsaka brann også på privat grunn, spesielt på balkongar, terrassar og i hagar.

Det kan også grillast på større asfalterte eller gruslagte områder som t.d. parkeringsplassar, så sant desse ikkje ligg nær brennbar vegetasjon. Som alltid, pliktar den enkelte å visa aktsemd ved gjennomføring av aktivitet som kan føra til brann.

- Håpar innbyggjarane vil hjelpa

- I desse dagar er det so turt at all bruk av eld utandørs representerer ein brannfare. Me håpar og trur at innbyggjarane vil hjelpa oss med å hindra at brannar oppstår, uttalar brannsjef David Skjerven.