Den kulturelle spaserstokken Voss er ein del av den nasjonale satsinga Den kulturelle spaserstokken. Tiltaket er eit samarbeid på tvers av fagfelt, der helse-, omsorgs- og kulturkompetanse vert sett i samspel for å skapa gode opplevingar for eldre.

Målet er å gi eldre betre moglegheiter for deltaking, refleksjon og kreativ utfalding, og slik bidra til auka livskvalitet.

Det skal vere breidde og mangfald i sjangrar og uttrykk, og tiltaket skal bidra til eit tilpassa kulturtilbod for eldre.
 

Tilskot kan tildelast til:

• Profesjonelle kunstnarar og kulturutøvarar innan alle sjangrar, både enkeltpersonar og grupper/ensemble. Utøvarane må vere aktive og ha relevant utdanning, kompetanse og/eller kunstnarisk praksis.
• Arrangørar, lag og organisasjonar i Voss herad som tilbyr kulturtilbod for eldre.

Det vert ikkje gitt tilskot til:  

• Tiltak som erstattar annan offentleg finansiering
• Investeringar, utstyr, administrasjon, planlegging eller kompetanseutvikling
• Ordinær drift av institusjonar, organisasjonar eller verksemder
• Institusjonar som kjøper kunst- og kulturopplevingar til eigne bebuarar eller medlemer
• Publikum for å finansiere eigne kunst- eller kulturopplevingar
• Arrangement som allereie er gjennomførte
   

Ved vurdering av programtilboda vert det lagt vekt på:

• At tiltaket held høg kvalitet
• At det er tilrettelagt for målgruppa

Programmet vert valt og vedtatt av programrådet som består av ein tilsett frå kommunalavdelinga for kultur og fritid, to representantar frå Eldrerådet og ein representant frå tilsette ved omsorgsbustader eller andre knytt til helse og omsorg. Andre samarbeidspartnarar kan inviterast inn ved behov.

Når du sender inn programtilbodet ditt, er det viktig at du gir ei så utfyllande skildring av innhaldet i prosjektet som mogleg, og legg ved CV for alle involverte utøvarar.

For spørsmål: beate.g.holmefjord@voss.herad.no 
 

Her finn du søknadsskjema: 

Søknad om midlar frå den kulturelle spaserstokken