Fleire farevarsel denne veka

Dei komande dagane er det sendt ut ei rekkje farevarsel for Voss. I morgon tysdag er det raudt flaumvarsel og raudt varsel på snøskred. Det er også oransje varsel på jord, - sørpe- og floskred, og på regn.

Voss herad følgjer situasjonen nøye. Driftsavdelinga har gjort førebyggjande tiltak for å sikra kommunal infrastruktur så langt som råd.

Det er meldt store nedbørsmengder, og me oppmodar innbyggjarar om å sjå til at kummar og bekkar på og rundt eigen eigedom er mest mogleg frie, slik at vatnet kan renna fritt.

Hald deg oppdatert på varslar her: Voss - Varsel fra NVE og MET | Varsom.no