Voss herad har sett av 50 000 kr til frivillige organisasjonar som gjennomfører arrangement under Grøn november i år.

Søknadsfrist er 30.09.2025

Søknadsskjema finn du her: 

Søknadsskjema - Grøn november 2025

Kven kan få støtte?
Frivillige organisasjonar med folkeregistrert adresse i Voss herad.

Kva kan du få støtte til?
Arrangement må ha som føremål å bidra til å redusera materielt forbruk og avfallsmengd og/eller gode sirkulære løysingar. Les gjerne meir under satsingsområda 9, 10, 11 og 12 i Vossaklima 2030

Døme på arrangement: reparasjon og ombruk innan kle, sykkel, ski, elektronikk, utstyr, utlån- og deleordningar, workshop innan matsvinn, gjenbruk av tremateriale, prosjekt innan delingsøkonomi og bidrag til sosial berekraft. Me er opne for ulike innfallsvinklar. 

Vilkår for å motta støtte:

• Arrangementet må gjennomførast i løpet av november. Gamlekinoen er ikkje tilgjengeleg i år pga. ombygging, og Kulturhuset er difor hovudlokasjon for arrangementa. 
• Kvart arrangement kan støttast med opptil 5000 kr.
• Kvar organisasjon kan maksimalt få innvilga støtte til to arrangement.
• Aktivitetar og arrangement som vert gjennomført under Grøn november bør vera gratis eller kun ha ein symbolsk pris.
• Alle arrangement vert meldt inn som ein del av det offisielle programmet til Grøn november og lagt inn i aktivitetskalender.
• Marknadsføring skjer i tråd med den grafiske profilen til Grøn november. Ved tildelt støtte får de tilsendt logo og anna grafisk materiell.
   

Kva må søknaden innehalde?

• Kort skildring av arrangementet: tid, stad, type aktivitet, målgruppe og praktisk gjennomføring.
• Kort skildring av korleis arrangementet vil bidra til lågare materielt forbruk.
• Enkelt budsjett.
   

Svarfrist:

• Søkjar får svar innan 7. oktober.
• Dersom arrangementet vert avlyst, utsett eller vesentleg endra, kan heile eller deler av tilskotet verta kravd tilbakebetalt gjennom faktura frå Voss herad.
   

Krav til rapportering:

• Det skal leverast ein kort rapport i etterkant av arrangementet med informasjon om gjennomføring, evaluering, korleis tilskotet vart brukt og eit bilete frå arrangementet.
• Rapporten må sendast innan 9. desember 2025.
  
   

Utbetaling:

• Utbetaling skjer seinast ein månad etter innlevert rapport.
  
   

Spørsmål?
Ta kontakt med klima- og miljørådgjevar Lina Hamre lina.hamre@voss.herad.no  eller leiar for ungdomsarbeid Kristine Akselberg  kristine.akselberg@voss.herad.no 

Voss utferdslag