Me ønskjer derfor at eigarar av fritidsbustader melder si interesse for utleige. Voss herad vil stå som leigetakar og skriv kontraktar med 2 års varigheit og gjensidig oppseiingstid på 3 månadar. Fritidsbustadane vil bli mellombels fritekne frå søknadsplikt og vil dermed kunna brukast som fast bustad/heilårsbustad under varigheita til kontrakten. Dette gir også rett til straumstøtte. 

Fritidsbustaden må ha:

• Kjøkkenløysning, stove og bad.
• Tilknyting til vass- og avløpssystem.
• Straum og internett
• Nærleik til offentleg veg
• Branntryggleiken må vera vareteken

Om dette høyrest interessant ut og du ønskjer å bidra med ein fritidsbustad, kan du fylla ut skjema: Fritidsbustad for busetting av flyktningar - (voss.herad.no). Innmelding gir ingen forpliktingar til verken eigar av fritidsbustad eller Voss herad.