Her kan du lesa utkast til strategien:

Jordvernstrategi for Voss herad (PDF, 110 kB)

Høyringsinnspel kan sendast til postmottak@voss.herad.no innan 10. oktober 2025.

Hovudmålet med jordvernstrategien er å syta for at Voss herad ikkje omdisponerer meir enn i gjennomsnitt 7 daa dyrka jord årleg. Jordressursane i Voss herad skal haldast i hevd og ikkje gå tapt. Dette gjeld særleg dyrka jord, men også dyrkbar jord som kan dyrkast opp utan at det påverkar naturmangfaldet negativt.

Strategien er basert på kunnskapsgrunnlaget som NIBIO utarbeidde for heradet (med midlar frå Landbruksdirektoratet): 
Grunnlag for jordvernstrategi for Voss herad

Jordvernstrategien er bygd opp kring seks overordna tema med konkrete tiltak knytt til kvart av desse:

1. Jordvern i planar. 
2. Flytting og kompensering av matjord. 
3. Omsyn til jordressursar i landbruksnæringa. 
4. Hindra attgroing og jordvern gjennom bruk. 
5. Sikra matberedskapen og auka produksjonsmangfaldet. 
6. Jordvern i utmark.