Margrethe Alm delte ut prisen til Brukt'n Voss ved Oddvar Myklebust

Det er utval for klima og miljø som deler ut Voss herad sin klima- og miljøvernpris, og utvalleiar Margrethe Alm (SV) delte ut prisen i forkant av heradsstyremøtet tysdag 12. desember. 

Ho peika på at nøkkelorda for verksemda som fekk prisen er ombruk og gjenbruk, og at ombruk er ein del av løysinga på klimautfordringane me står i i dag. 

I grunngjevinga trekte Alm fram at me som samfunn treng plattformer og verksemder som legg til rette for at ein kan levera varer og produkt som vert seld vidare til nye eigarar. Og at årets vinnar av prisen nettopp er ei slik verksemd.