Ledig stilling som regionkoordinator

Hardanger/Voss Kompetanseregion er eit regionalt samarbeidsorgan innan oppvekstsektoren for kommunane Eidfjord, Kvam, Ullensvang, Ulvik og Voss. Dei lyser no ut 80-100% fast stilling som regionkoordinator. 

Sist endra 31.01.2025 14.18

Sjå utlysingsteksten her: 

Stillingsutlysing regionkoordinator 2025

80-100 % fast stilling som regionkoordinator

 

Om regionen

Hardanger/Voss Kompetanseregion er eit regionalt samarbeidsorgan innan oppvekstsektoren for kommunane Eidfjord, Kvam, Ullensvang, Ulvik og Voss. Kompetanseregionen tilbyr tenester til omlag 40 barnehagar, 30 skular/oppvekstsenter, 3 PPT kontor og 3 vaksenopplæringssenter.

Hardanger/Voss kompetanseregion har som mål å samarbeida om oppgåver som blir løyste betre på regionalt enn på lokalt nivå. Samhandlingsarenaene er mellom anna knytt til barnehage, skule, PPT, vaksenopplæring, IKT og andre som t.d. UH, Statsforvaltaren i Vestland, KS, Statped Vest, Syns- og audiopedagogisk teneste (SAPT) og Vestland Fylkeskommune.

 

Stillingsomtale

For å koordinere samarbeidet i regionen har me ledig fast stilling som regionskoordinator frå 01.04.2025. Regionkoordinator er pådrivar for utviklingsarbeid og kompetanseheving i regionen. Koordinator er bindeleddet i organisasjonen og har ansvar for å koordinere nasjonale føringar til Hardanger/Voss kompetanseregion. Samarbeidet skal bidra til å styrka kommunane sin kompetanse og kapasitet innan oppvekstsektoren. Dette skal gjerast saman med dei øvste leiarane innan oppvekst i dei fem samarbeidskommunane - styringsgruppa. Stillinga vil innebera reiseverksemd i heile regionen. Det kan vera aktuelt å kombinera koordinatorstillinga med anna arbeid i ein av samarbeidskommunane.

 

Arbeidsoppgåver

  • fungera som bindeledd mellom dei ulike aktørane i regionsamarbeidet
  • overordna ansvar for oppfølging og koordinering av tilskotsordningane
  • organisera ulike møter, kurs og samlingar 
  • bidra aktivt i planlegging, gjennomføring og vidareutvikling av tilskotsordningane
  • lokalt gitt eksamen
  • administrative oppgåver og økonomioppfølging
  • heimeside


Dine kvalifikasjonar

  • Relevant høgare utdanning med formell kompetanse innan skule eller barnehage
  • Erfaring frå å leia utviklings- og endringsarbeid
  • God kjennskap til offentleg forvaltning, gjerne frå oppvekstsektoren
  • God munnleg og skriftleg framstillingsevne
  • Leiarerfaring eller utdanning er ein fordel
  • God kompetanse innan IT
  • Førarkort

 

Vi ynskjer ein person som:

  • Er sjølvstendig og initiativrik
  • Er strategisk, strukturert og målretta
  • Har evne til å skape og oppretthalde nettverk
  • Er motiverande og nytenkjande
  • Byggjer kultur for samarbeid og har gode samhandlingseigenskapar

 

Ved tilsetjing vil det bli lagt vekt på personlege eigenskapar.

 

Tilsetjingsvilkår

Løn etter avtale og gode pensjons- og forsikringsordningar.
Arbeidsstad i ein av samarbeidskommunane. 
Nynorsk vert nytta som skriftspråk.

 

Søknad

Send søknad med vedlegg til Ullensvang kommune.
Søknadsfrist: 17. februar


Kontaktperson: Leiar for Hardanger/Voss kompetanseregion Anna Maria Kråkevik, kommunalsjef Ullensvang kommune.

anna.maria.kraakevik@ullensvang.kommune.no / 970 78 337 

 

Sjå her for lysinga i si heilskap og søknadsskjema