Voss herad, som byggherre, skal gjennomføre rehabilitering av KV 1010 Finnesvegen frå Finnesvegen nr 33 og til og med kryss Seimshagen-Finnesvegen med utskifting av vatn, avløp samt etablere nytt system for overvatn i anleggsområdet hausten 2026. 

Tiltaket har også som mål å auka trafikktryggleiken for mjuke trafikantar i området med å etablera breiare fortau langs vegen og det vil verta etablert betre vegljos på strekninga.

Anleggsarbeidet har oppstart 14. september i veke 38. Flage AS er entreprenør i prosjektet.

Deler av Finnesvegen vil verta stengt for gjennomkøyring i anleggsperioden. Anleggsarbeidet vil verta utført etappevis og kva del av anleggsområdet som er stengt for gjennomkøyring vil variera gjennom anleggsperioden. 

I første omgang vil det verta stengt for gjennomkøyring mellom Finnesvegen 33 og Finnesvegen 37. 

Det vert omkøyring via Seimshagen/Sivlevegen. Det skal sikrast at mjuke trafikantar har trygg passasje gjennom anleggsområdet gjennom heile anleggsperioden.