Kløve barnehage er ein kommunal barnehage som ligg i landlege omgjevnader på Kløve, om lag 9 km frå Voss sentrum. Barnehagen er ein, ein-avdelingsbarnehage fordelt på to grupper, «Veslefrikk» (1-3 år) og  «Askeladden» (3-5 år)

I barnehagen vår skal barn oppleva eit inkluderande barnehagemiljø som støttar opp om lysta til å leika, utforska, læra og kjenna glede av å meistra. Gjennom leiken skal barna få utfalda seg, verta utfordra og møta støtte og merksemd frå vaksne i barnehagen.

Me er glade i å vera ute. I tillegg til den daglege uteleiken, er det godt å vera på tur. Utelivet i barnehagen gir oss eit mangfald av opplevingar og aktivitetar til alle årstider og i all slags vêr. Me har lavvo på Kvarekvål som ofte vert ein naturleg plass å slå leir. Utelivet sitt innhald skapar overskot, glede og humor😊