Søk barnehageplass

Voss herad har samordna opptak som gjeld for både kommunale og private barnehagar. Frist for å søkja barnehageplass er 1. mars.

Sist endra 09.02.2026 13.17

Søknadsportal

Hovudopptak for tildeling av barnehageplass er i perioden 2. mars - 2. mai. I denne perioden er portalen låst, og du har ikkje høve til å gjera endringar i søknaden.

Informasjon om opptak og tildeling av barnehageplass finn du i spørsmålsboksane under, og i Vedtekter for kommunale barnehagar i Voss herad.

Heradsstyre har i sak 06/26 vedteke å leggja ned Hagahaugen barnehage frå nytt barnehageår, 15.august 2026. Borna som i dag går i Hagahaugen barnehage vert automatisk flytta til Kløve barnehagen frå nytt barnehageår. Om nokon ikkje ynskjer å følgja med til Kløve barnehage kan det søkjast om barnehageplass i ein av dei andre barnehagane i Voss herad. Borna frå nedlagt barnehage vil i tråd med § 13. i vedtektene, få prioritet ved søknad til ny barnehage.

Har du spørsmål i høve barnehageopptak som du ikkje finn svar på i spørsmålsboksane under, kan du senda spørsmåla dine på e-post til: barnehage@voss.herad.no

Søk barnehageplass

Voss herad oppmodar alle foreldre/føresette som har søknad om barnehageplass liggande i systemet, om å logga inn i portalen å kontrollera at søknaden er i tråd med ønske dykkar. Det kan gjerast endringar i søknaden gjennom heile året, med unntak av i perioden 2.mars-1.mai då det vert jobba med tildeling av barnehageplassar i samband med hovudopptaket. Me oppmodar vidare om å sletta søknadar som ikkje lenger er reelle.

Når er søknadsfristen?

Søknasdsfrist til hovudopptaket for tildeling av barnehageplass er 1. mars. Lovfesta rett til barnehageplass fell bort om det vert søkt etter søknadsfristen,. Vedkomande lovfersta rett til barnehageplass sjå § 16 i Lov om barnehager (barnehageloven) - Lovdata Voss herad har i tillegg løpande opptak og tildeler ledige barnehageplassar kontinuerleg, og det kan søkjast om barnehageplass heile året.

Kven har lovfesta rett til barnehageplass?

Barn som fyller eitt år seinast innan utgangen av august det året det blir søkt om barnehageplass, har etter søknad rett til å få plass i barnehage frå august.

Barn som fyller eitt år i september, oktober eller november det året det blir søkt om barnehageplass, har etter søknad rett til å få plass i barnehage innan utgangen av den månaden barnet fyller eitt år, jf. barnehagelova § 16.

Barnet har rett til plass i barnehage i kommunen det er busett, og det vert søkt innan fristen 1.mars. For å ha rett til barnehageplass må søkjar vera busett på Voss ved oppstart av nytt barnehageår, dvs. i august månad.

§ 16. i Lov om barnehager (barnehageloven) - Lovdata og § 9. i Vedtekter for kommunale barnehagar i Voss herad - Voss herad

Kven har prioritet ved opptak?

Prioriteringsliste for tildeling av barnehageplass:

Tildeling av barnehageplass skjer etter følgjande prioriteringsliste:

1. Barn med nedsett funksjonsevne, jf. § 18 i barnehagelova.*

2. Barn det er fatta vedtak om etter barnevernslova, jf. § 4.4 *

3. Barn frå barnehagar som blir lagde ned.

4. Søsken har plass i same barnehage.**

5. Barn av einslege forsørgjarar

6. Fødselsdato.

* Dersom det blir søkt om prioritert barnehageplass etter punkt 1 og 2, for barn med spesielle behov, skal behovet dokumenterast av fagpersonell.

Barn med sterkt nedsett fysisk funksjonsevne, som nyttar rullestol eller på annan måte har begrensa fysisk bevegelsefriheit, vil få tilbod om plass i Voss eller Klausabakken barnehage. Dette då desse barnehagane er universelt utforma og difor er best tilrettelagt for barn med fysiske funksjonsnedsettingar.

**Søskenprioritet er knytt opp mot at ein har søsken i barnehagen når barnet byrjar i barnehagen. Ved hovudopptaket vil ein kunna missa denne prioriteten dersom søsken går ut av barnehagen.

Barn som har barnehageplass i Voss barnehage har fortrinnsrett til å få plass i utegruppa og villmarksgruppa i barnehagen, etter gjeldande prioriteringsliste for tildeling av barnehageplass. Er det ledige barnehageplassar etter dette, vert plassane tildelt etter same prioriteringsliste.

§ 13. i Vedtekter for kommunale barnehagar i Voss herad - Voss herad

Korleis føregår saksbehandlinga?

Hovudopptaket pågår i perioden 2. mars til og med 1. mai. I denne perioden kan det ikkje gjerast endringar i søknaden
Oppretting av tilbod i den einskilde barnehage vert kontrollert opp mot prioriteringsreglane for tildeling av barnehageplass i Vedtekter for kommunale barnehagar i Voss herad - Voss herad
Det er felles utsending av tilbod om barnehageplass i 1. og 2.runde av opptaket
Retten til barnehageplass er innfridd når det er oppretta tilbod om barnehageplass i bustadkommunen
Søknadar for barn som ikkje fyller kriteria for lovfesta rett til barnehageplass vert handsama etter at barn med lovfesta rett har fått tildelt barnehageplass

Søkjarar som ikkje er busett i Voss herad

Tilflyttarar som søkjer barnehageplass i Voss herad må vera busett på Voss på det tidspunktet barnet skal byrja i barnehagen.

Har du barnehageplass i annan kommune må barnehageplassen vera sagt opp før du endrar adresse i folkeregisteret. Ein kan ikkje ha folkeregistrert adresse på Voss samtidig som ein har barnehageplass i ein annan kommune, jf. Forskrift om tildeling av tilskot til private barnehagar § 15.

Kommuner som har private barnehager med barn som er folkeregistrert i en annen kommune, har rett til refusjon for barnehageplassen fra kommunen der barnet er folkeregistrert. Kommunen skal bruke satser for drift og kapital fastsatt av departementet i beregningen av refusjonskravet, og gjøre fratrekk etter § 11 første ledd.

Ofte stilte spørsmål om søknad, barnehageopptak og tildeling av plassar

Kva plass har barnet vårt på søkarlista / ventelista?

Korleis svarar ein på tilbod om barnehageplass?

Når du svarar på eit tilbod om barnehageplass har du tre alternativ å velja mellom:

«Ja» Du takkar då ja til plassen du er tildelt og fell ut av søkarlista / ventelista
«Ja, ynskjer framleis å stå på venteliste» Du takkar då ja til tilbodet du har fått, og står framleis på søkarlista / ventelista til barnehagane du har prioritert
«Nei» Du takkar då nei til plass, og mistar lovfesta rett til barnehageplass

Me har ikkje fått plass i barnehagen som var vårt fyrste val. Står me framleis på søkarlista / ventelista om eg takkar ja til plass i ein annan barnehage?

Me har søkt om barnehageplass, men ikkje fått svar.

Må ein søkja på nytt kvart år?

Me har ikkje fått tilbod om plass i hovudopptaket, når får me ein barnehageplass?

Barnet vårt fyller 1 år i november. Me ynskjer ikkje at barnet skal byrja i barnehagen før i januar, går dette bra?

For å få rett til barnehageplass må oppstartsdato vera innan november. Dersom de set ein seinare oppstartsdato har de ikkje lenger lovfesta rett til barnehageplass, jf. barnehagelova § 16 2. ledd.

Barn som fyller ett år i september, oktober eller november det året det søkes om barnehageplass, har etter søknad rett til å få plass i barnehage innen utgangen av den måneden barnet fyller ett år i samsvar med denne loven med forskrifter.

Barnet vårt fyller 1 år i februar, er det mogleg å få plass i mars eller må me vente til august?

Barn som blir 1 år i februar har ikkje rett til plass i barnehage før august same år, jf. barnehagelova § 16 1. ledd.

Barn som fyller ett år senest innen utgangen av august det året det søkes om barnehageplass, har etter søknad rett til å få plass i barnehage fra august i samsvar med denne loven med forskrifter.

Dei fleste barnehageplassane i heradet vert fylt opp i løpet av hovudopptaket, men me har kontinuerleg opptak så om me har ledige plassar er det råd å få tildelt plass midt i barnehageåret.

Me vil byta barnehage, kva gjer me?

Me skal flytte til Voss korleis er det med barnehageplass?

I vedtektene til dei kommunale barnehagane heiter det følgjande:

§ 9. 3. ledd, Barnet har rett til plass i barnehage i det heradet der det er busett. For å vera med i hovudopptaket må søkjar vera busett på Voss ved oppstart av nytt barnehageår, dvs. i august månad.

§ 11. 4. ledd, Tilflyttarar som søkjer barnehageplass i Voss herad må vera busett på Voss på det tidspunktet barnet skal byrja i barnehagen. Har du barnehageplass i annan kommune må barnehageplassen vera sagt opp før du endrar adresse i folkeregisteret. Ein kan ikkje ha folkeregistrert adresse på Voss samtidig som ein har barnehageplass i ein annan kommune, jf. Forskrift om tildeling av tilskot til private barnehagar § 15.

Kan me klage på tildeling av barnehageplass?

Ja, de kan klaga dersom de har fått tildelt barnehageplass som ikkje er i prioriterte barnehagar, jf § 12 i vedtekter for kommunale barnehagar i Voss herad. De har rett på grunngjeving på kvifor de ikkje har fått barnehageplass i prioriterte barnehagar. I samband med eventuell klage er det greit å vita at lovfesta rett til barnehageplass gjeld rett til plass i barnehage i den kommunen ein er busett i, jf. § 16. 3. i barnehagelova.

De har rett til å behalda plassen på ventelista/søkralista til prioriterte barnehagar om de takkar ja til plass i annan barnehage. Dette gjer de ved å velja svaralternativet «Ja, ynskjer framleis å stå på venteliste». Det er viktig å vera klar over at dersom de takker «Nei» til tilbodet har de ikkje rett på nytt tilbod.

Søk barnehageplass

Kontakt