Administrasjonen gjev ikkje ut informasjon om kva plass barn har på søkarlista. Årsaka til dette er prioriteringskodane i vedtektene som gjev enkelte barn førerett til barnehageplass, og som kan føre til endringar i søkarlista.

Når du svarar på eit tilbod om barnehageplass har du tre alternativ å velje mellom:

• «Ja» Du takkar då ja til plassen du er tildelt og fell ut av søkarlista
• «Ja ynskjer framleis å stå på venteliste» Du takkar då ja til tilbodet du har fått og står framleis på søkarlista til barnehagane du har prioritert
• «Nei»  Du takkar då nei til plass og mistar lovfesta rett til barnehageplass

Du har tre svaralternativ når du mottek tilbod om barnehageplass. «Ja», «nei», «ja ynskjer framleis å stå på ventelista». Vel du «ja ynskjer framleis å stå på venteliste»., Står du på venteliste til barnehagane du har søkt på.

Dei som søkjer om barnehageplass innan fristen, og fyller vilkåra får svar gjennom å få tildelt barnehageplass.

Dersom du har søkt etter fristen eller ikkje har lovfesta rett til barnehageplass, får du svar når du får tilbod om barnehageplass.

Nei, ein må ikkje søkja på nytt kvart år. Barnet beheld plassen i barnehagen til den vert sagt opp, eller til barnet byrjar på skulen.

Barn som ikkje har lovfesta rett til barnehageplass vil få tilbod om plass når det vert ledige plassar. Ein kan ikkje sei kor lang tid dette vil ta, då det kun er ved oppseiingar det vil bli frigjort plassar.

Dersom ein ikkje har fått svar før mars året etter vert søknaden automatisk med vidare i nytt hovudopptak.

For å få rett til barnehageplass må oppstartsdato vere innan november. Dersom de set ein seinare oppstartsdato har ein ikkje lenger lovfesta rett til barnehageplass, jf. Lov om barnhager § 16 2. ledd

Barn som fyller ett år i september, oktober eller november det året det søkes om barnehageplass, har etter søknad rett til å få plass i barnehage innen utgangen av den måneden barnet fyller ett år i samsvar med denne loven med forskrifter.

Barn som blir 1 år i februar har ikkje rett til plass i barnehage før august same år, jf. Lov om barnehager § 16 1. ledd 

Barn som fyller ett år senest innen utgangen av august det året det søkes om barnehageplass, har etter søknad rett til å få plass i barnehage fra august i samsvar med denne loven med forskrifter.

Dei fleste barnehageplassane i heradet vert fylt opp i løpet av hovudopptaket, men om me har ledige plassar er det råd å få tildelt plass midt i barnehageåret. 

Dersom de ynskjer å bytte barnehage må de søkje på nytt. De mistar ikkje den eksisterande plassen før de evt. takkar ja til ein ny plass.

I vedtektene til dei kommunale barnehagane heiter det følgjande:

§ 9. 3. ledd, Barnet har rett til plass i barnehage i det heradet der det er busett.  For å vera med i hovudopptaket må søkjar vera busett på Voss ved oppstart av nytt barnehageår, dvs. i august månad. 

§ 11 4. ledd, Tilflyttarar som søkjer barnehageplass i Voss herad må vera busett på Voss på det tidspunktet barnet skal byrja i barnehagen.  Har du barnehageplass i annan kommune må barnehageplassen vera sagt opp før du endrar adresse i folkeregisteret. Ein kan ikkje ha folkeregistrert adresse på Voss samtidig som ein har barnehageplass i ein annan kommune, jf. Forskrift om tildeling av tilskot til private barnehagar § 15.

Ja, de kan klaga dersom de har fått tildelt barnehageplass som ikkje er i prioriterte barnehagar, jf § 12 i vedtekter for kommunale barnehagar i Voss herad.  De har rett på grunngjeving på kvifor de ikkje har fått barnehageplass i prioriterte barnehagar. I samband med eventuell klage er det greit å vita at lovfesta rett til barnehageplass gjeld rett til plass i barnehage i den kommunen ein er busett i, jf. § 16. 3. i barnehagelova. 

De har rett til å behalda plassen på ventelista til prioriterte barnehagar om de takkar ja til plass i annan barnehage. Dette gjer de ved å velja svaralternativet «Ja ynskjer framleis å stå på venteliste». Det er viktig å vere klar over at dersom de takker «Nei» til tilbodet har de ikkje rett på nytt tilbod.