Granvin barne- og ungdomsskule er ein kombinert barne- og ungdomsskule som ligg sentralt i Granvin, omlag 20 km søraust for Voss sentrum, og har 120 elevar og 23 tilsette. 

Skulen har gode areal ute og inne for ulike typar aktivitet. Me har mellom anna symjebasseng, godt utstyrt sløydsal og tekstilrom. Uteareala byr på god variasjon i aktivitet med kunstgrasbane, fotballbinge, skogsområde, sildrebekk og leikeapparat. Det er fysisk aktivitet 30 minutt kvar dag for alle elevane i tillegg til friminutta og me har høgt fokus på aktiv og praktisk læring både ute og inne.