Gullfjordungen skule er ein barneskule for 1-7. klasse, med 170 born og 26 tilsette.  Skulen ligg 2 km frå Vangen (sentrum), med flott utsikt over Vangsvatnet og Gråsida.  Skulebygningane består av to hus, hovudbygg frå 1977, og gamleskulen der SFO held til. Frå neste år blir SFO fordelt i to lokale då det er fleire born på SFO enn tidlegare år.

Skulen har dei siste åra bygd seg opp mykje kompetanse innan STL+ (skriva seg til lesing), og har stort fokus på leseferdigheiter og variasjon av undervisingsformer i undervisinga. Styrking av to-språkleg kompetanse er eit samarbeidsprosjekt med Høgskolen i Bergen. Det vert prioritert arbeid med praktiskestetiske fag, musikk og framsyningar, samt at mykje av undervisinga vert lagt til nærområdet i form av faste turdagar, gardsopplevingar, uteskule osb.

I samarbeid med FAU og elevrådet har me fokus på å arbeida for god språkbruk og regelstyring, at me er på skulen for å læra, at skulen skal vera ein trygg stad for alle og at me tek vare på skulen vår. 
 

Satsingsområde i Vossaskulen

Vossaskulen arbeider kontinuerlig med kvalitetsutvikling for å skapa gode tenester for brukarane våre.

Skulane i Voss herad arbeider no med implementering av ny læreplan. Eit anna hovudsatsingsområde er digitalisering. 

Gullfjordungen skule tilbyr leksehjelp for elevar på 2.-4. trinn.