Vangen skuleVisjon - Trivnad, tryggleik og læring i eit kreativt miljø. Sist endra 14.08.2025 15.25 Vangen skule er ein barneskule som er lokalisert i sentrum av Vossevangen, med omlag 240 elevar og 55 tilsette. Skulen ligg midt i sentrum i ei av bygda sine grøne lunger, med kort veg til Prestegardsmoen og Vangsvatnet.Som heradet sin største 1.-7.trinnsskule, jobbar ein kontinuerlig med korleis nå elevar med tilpassa undervisning. Skulen har eit flott uteområde der det er lagt til rette for aktivitetar av ulikt formål: klatreløype, husker, kunstgrasbane og sklier. Skulen har innføringsklasse for minoritetsspråklege elevar på 1. - 7.trinn. Innføringsklassen er eit tilbod til elevar som nyleg har kome til Noreg og som har behov for særskild opplæring i norsk.Satsingsområde i VossaskulenVossaskulen held fram det kontinuerlege arbeidet med kvalitetsutvikling for å vidareutvikle skulane. For skuleåret 2025/2026 er hovudprioriteringane innføring av ein ny nærværsplan og ei målretta satsing på leseopplæringa, med særleg vekt på å fange opp og støtte elevar med dysleksi.Frå hausten 2025 tilbyr skulen leksehjelp for elevar på 5.-7.trinn. Skulefritidsordning (SFO) Opningstid SFO Vangen skule Opningstid SFO Vangen skule Før skuletid Etter skuletid Skuletid 07:45 – 08:45 13:30 – 16:15 08:45 – 13:30 Voss herad har 12 timar gratis SFO for 1. - 3.trinn. På Vangen skule vert ordninga organisert på følgjande måte:12 timar gratis SFO - tre dagar: 07:45 - 08:45 og 13:30 - 16:1512 timar gratis SFO - fem dagar: 07:45 - 08:45 og 13:30 - 15:00 Her kan du lesa meir om SFO og søkja plass: skulefritidsordning i Voss heradSøknaden gjeld berre for eitt år. Ein må søkje om plass kvart år på SFO. Skuleruta Skuleruta 2025/2026 Innføringsklassen Innføringsklassen er eit tilbod til elevar frå heile Voss herad som nyleg har kome til Noreg og som har behov for særskild opplæring i norsk. Me legg vekt på å skapa eit trygt og inkluderande læringsmiljø der elevane får god støtte til å læra språket og bli kjende med den norske skulen. Det er viktig for oss at deira fyrste år i Noreg vert så trygt og godt som mogeleg. Elevgruppa er kompleks; her er elevar i ulik alder, frå ulike nasjonar, ulik språk, religion og kultur. I tillegg til undervisninga i Innføringsklassen, føl dei også ordinær klasse i praktiske- og estetiske fag. Undervisninga tek utgangspunkt i kvar den einskilde eleven er, og me arbeider både med språk, fag og sosiale ferdigheiter. Det er viktig for oss at alle på Vangen skule kjenner på at å vera ein fleirkulturell skule er ein styrke Leksehjelp 5. - 7.trinn Det er leksehjelp for 5. -7.trinn ein time etter skulen er ferdig måndagar, tysdagar og onsdagar.