Kven passar tilbodet for?

• Tilrettelagt omsorgsbustad utan bemanning: For deg som har behov for endring av buforhold, spesielt tilrettelagt bustad eller oppfølging i bustad på grunn av helse eller sosiale forhold, og som treng varige og omfattande helse- og omsorgstenester.
  Du kan søkja om heimetenester.
• Omsorgsbustad med bemanning dag/kveld: For deg som treng ekstra mykje hjelp og tryggleik til å meistre kvardagen.
• Omsorgsbustad med bemanning heile døgnet: For deg som er varig ute av stand til å ta vare på deg sjølv og i liten grad meistrar daglege gjeremål grunna psykisk eller fysisk funksjonstap. Her får bebuarane tilbod om ulike aktivitetar som turar til skogs og fjells, konsertar, teater, kino, tilpassa symje- og ridegrupper.

Kan du bu heime med tilrettelegging?

Sjølv om helsetilstanden din er redusert og det er vanskeleg å bu heime, anten fordi det er utrygt, ikkje tilrettelagt eller einsamt, er det ikkje sikkert du treng å flytta til ein omsorgsbustad. Til dømes kan tilskot til å tilpassa eigen bustad, kommunale hjelpemiddel, Nav hjelpemiddel eller kvardagsrehabilitering bidra til at du kan bu lengre heime og klara deg sjølv.

Slik søkjer du

• Søk digitalt
• Søk per post: Last ned søknadsskjema (PDF, 132 kB)

Dette må du legge ved søknaden:

• Fullmaktskjema dersom du søkjer på vegne av andre (PDF)
• Skattemelding (finn du i innboksen i Altinn)
• Lønnsslippar eller utbetalingar frå NAV for dei to siste månadane
• Dokumentasjon på sosiale eller helsemessige forhold som har betydning for søknaden. Legeopplysningar av nyare dato skal leggjast ved søknaden.

Husleige

Husleiga vert fastsett etter bustaden sin standard, storleik og kva leigeprisen er på marknaden.

Treng du hjelp til å betala husleiga?

Du kan søkja om bustønad frå Husbanken.
Søknadsskjema finn du her: Søknad om bustønad