Kva er fysioterapi?

Fysioterapi handlar om å førebyggja og behandla problem i musklar og skjelett.

Kven kan få fysioterapi?

Du kan få hjelp viss du:

• har skada deg
• har smerter
• har redusert funksjon

Kva hjelp kan du få?

Fysioterapeuten undersøker deg og tilpassar behandlinga. 
Du kan få:

• Råd og rettleiing for å betra eller bevara din funksjon og førebyggja for sjukdom og skade  
• Trening med sikte på at du skal klara viktige daglege funksjonar og minska smerter og auka funksjon
• Råd og rettleiing til pårørande/foreldre og andre samarbeidsgrupper   
• Førebyggjande og behandlande tiltak i skule/barnehage
• Kartlegga din funksjon og gje råd om å tilpassa aktivitetar og arbeidsvanar   
• Individuell behandling   
• Gruppetrening
• Kvardagsrehabilitering/heimerehabilitering

Korleis få time?

Du kan:

• Ta kontakt sjølv
• Bli tilvist frå lege eller anna helsepersonell

Fysioterapeuten vurderer kven som treng hjelp først:

• Høg prioritet: Du treng rask hjelp for å få god effekt
• Middels prioritet: Tidleg hjelp er viktig for funksjon og livskvalitet
• Låg prioritet: Du kan venta litt, men tiltak vil likevel hjelpa

Pris

Du betalar eigenandel. Prisen er den same uansett om du går til ein kommunalt tilsett fysioterapeut eller ein med driftstilskot. Eigenandelen tel med i opptening til frikort for helsetenester.

Kven skal du kontakta?

I Voss herad har me:

• Kommunalt tilsette fysioterapeutar: Kontakt desse viss du treng oppfølging heime eller på institusjon.
• Fysioterapeutar med driftstilskot: Kontakt dei direkte dersom du kan møta opp sjølv. Dei har eigne institutt.
• Barnefysioterapeut: For barn under 18 år. 

Me søkjer etter flinke folk

Ledige stillingar innan helse og omsorg

Bli støttekontakt

Bli lærling

Bli tilkallingsvikar