Kva hjelp kan du få?

Heimehjelpa kan hjelpe deg med:

• reingjering
• klesvask
• byte av sengetøy
• rettleiing og støtte slik at du klarar deg best mogleg sjølv

Me ser på i lag med deg kva du treng hjelp til, og kor mykje du klarar sjølv.
 

Kva kan me hjelpe med, og kva må du ordna sjølv?

Du gjer det du klarar sjølv. Dersom bustaden er svært skitten, må den vaskast før me kan starta opp tenesta. Me kan hjelpe deg med å bestille vask frå private firma dersom du ønskjer det.

Heimehjelpa dekker ikkje alle typar oppgåver. Til vanleg utfører me ikkje:

• stryking av klede, baking, klargjering til høgtider
• reingjering over skulderhøgd, i rom som ikkje er i bruk eller storreingjering
• bosslevering
• hagearbeid
• rydding og oppvask etter friske gjester eller pårørande
• hjelp med kjæledyr
• flytting av møblar
• bruk eller handtering av bankkort eller kontantar

Nokre oppgåver kan avtalast i særskilde tilfelle, til dømes dersom du bur åleine og ikkje har pårørande i nærleiken.
 

Kven er tilbodet for?

Heimehjelp er for deg som:

• har nedsett funksjon og treng hjelp i kvardagen
• er heilt eller delvis avhengig av hjelp frå andre
• er over 18 år og bur heime
   

Pris

Du finn informasjon om prisar her: Kommunale prisar
 

Slik søkjer du

Du finn informasjon om korleis du søkjer, og kva som skjer vidare her:

Søk helse- og omsorgstenester

Slik vurderer me søknaden din

Når du søkjer, vurderer me mellom anna:

• korleis du bur - om du bur åleine eller saman med andre, og om nokon kan hjelpe deg
• om du har besøk over lengre tid som kan bidra med hjelp
• om bustaden kan tilpassast slik at du klarar meir sjølv
   

Kva forventar me av deg?

For at tenesta skal fungera godt, forventar me at du:

• les vedtaket og ser kva du har fått innvilga  
• er heime når heimehjelpa kjem (gi beskjed seinast dagen før om du ikkje kan)  
• hugsar at heimen din er ein arbeidsplass og bidreg til eit trygt arbeidsmiljø  
• har vanleg reingjeringsutstyr tilgjengeleg  
• gir beskjed om endringar så tidleg som mogleg  
• legg til rette for at heimehjelpa kan jobba trygt og effektivt  
• unngår besøk medan me gjer reint  
   

Me søkjer etter flinke folk

Ledige stillingar innan helse og omsorg

Bli støttekontakt

Bli lærling

Bli tilkallingsvikar

Bli privat avlastar