Husdyrgjødsel skal nyttast i vekstsesongen på areal der ein skal hauste avling etter spreiinga. Nasjonalt gjeld 1.september som frist for spreiing av husdyrgjødsel. Gjødsling i vekstsesongen er lønnsamt og bidrar til god utnytting av næringsemne, betrer økonomien og hindrer avrenning til vatn og vassdrag.
Voss herad har lokal forskrift som gjev høve til spreiing fram til 1.oktober, der vassdrag areala drenerer til er registrert som med god miljøstatus og har egna klimatilhøve (vekstsesongen ikkje er avslutta).
Vassdrag registrert i Vann-nett som "middels" eller i "stor grad" påverka av jordbruk har 1.september som siste frist for spreiing. I desse områda er det heller ikkje høve til å pløye ned gjødsel etter 1.september.
Område med redusert vasskvalitet
- Dyrvedalen,
- Bordalen
- Opelandstjørna
- Granvinsvassdraget
Område med uegna klimatiske tilhøve
Område som ikkje bør gjødslast etter 1.september av omsyn til naturverdiar:
- Storelva Granvin (Nesheimsdeltaet)
Ved spreiing av husdyrgjødsel etter 1.september gjeld
- maksimalt tilførsel 2 m3 gjødsel per dekar
- At ein mot vatn, elv, bekkar, kanalar og opne kummar set att ei sone på minst 6 meter som ikkje vert gjødsla
Ved lagring, uttransport og spreiing, skal det utvisast aktsemd når det gjeld vêrtilhøve, jordsmonn og flaumrisiko.
Det er høve til å søke om løyve til spreiing av gjødsel
I søknaden skal du oppgje:
- Kvifor du treng å gjødsle utanfor vilkåra
- Mengde gjødsel som skal spreiast
- Kart som syner kvar gjødselen skal spreiast
- Opplysningar om mengde per dekar
- Tidlegare gjødsling
- Eventuelle andre tilhøve av betyding
Send søknad på e-post
Lovverk
Krav til gjødselplan
Forskrifter og lovar kring husdyrgjødsel
Generelt om spreiing av husdyrgjødsel