• Med avløpsvatn vert det meint avløp frå vassklosett, kjøkken, bad og vaskerom (sanitært avløpsvatn).
• Med innlagt vatn vert det meint vatn frå vassverk, brønn og cisterneanlegg som vert ført inn gjennom leidning.
• Med gråvatn vert det meint avløp frå kjøkken, bad og vaskerom. Avlaup frå vassklosett vert kalla svartvatn. 
• Alle typar klosett som nyttar vatn, vert rekna som svartvatn, inkludert vakuumtoalett.

Dersom du ynskjer å etablera ny bustad eller hytte i eit område der det ikkje finst offentleg avløpsleidning, må du søkje byggesaksavdelinga om utsleppsløyve. Dette er heimla i Forurensingsforskriften kapittel 12.

Dette gjeld og om du ønskjer å auka eksisterande utslepp vesentleg. Som vesentleg auke reknar me mellom anna innleggjing av vatn og installering av vassklosett.

Det må i tillegg søkjast om løyve til etablering av avløpsanlegget etter plan- og bygningslova § 20-1, det vert sett krav om at eit godkjent føretak har ansvar for denne søknadsprosessen.

Ingen kan setje i verk nye utslepp eller auke utslepp vesentleg utan løyve frå kommunen.

Søknadsskjema utsleppsløyve (PDF, 105 kB)

Målgruppe

Personar som skal etablere ny bustad eller hytte i eit område der det ikkje er offentleg avløpsleidning, og for personar der det er ynskjeleg å etablere utslepp frå eksisterande bustad eller hytte.

Vilkår

Utsleppet er mindre enn 50 pe (personekvivalentar). Standardvilkåra går elles frem av Forurensingsforskriften kapittel 12. Vilkår kan og gå fram av løyvet. Eigar av avløpsanlegget er ansvarleg for drift og vedlikehald etter forskrifta.

Kommunen kan kontrollere at anlegget er lokalisert, bygd og igangsett i samsvar med vilkår som går fram av løyvet.