Sjå meir informasjon på DIBK - Dette kan du bygge uten å søke - Direktoratet for byggkvalitet (dibk.no)

Meir informasjon om solenergianlegg (PDF, 955 kB)

Solenergianlegg som etablerast på bakke vil i utgangspunktet vere søknadspliktig jf plan- og bygningslova § 20-1 1.ledd bokstav f). 

Etablering av solcelleanlegg på tak kan vere søknadspliktig etter pbl. § 20-1 bokstav c, fasadeendring. Det som avgjer er om fasaden sin karakter endrast vesentleg. Dette vil også kunne vere avhengig av bygningens kulturminneverdi, arkitektur eller av omgjevnadanes karakter. Det er kommunen som avgjer om fasadeendringa endrar bygningen sin karakter slik at den krevjar søknad og løyve.

I følgande tilfelle må det vurderast konkret om det føreligger søknadsplikt:

• Plassering og utstrekning. Anlegget må vere tilpassa byggets form og det bør ligge plant på tak eller fasade.
• Materialar- og fargekontraster. Er fargekontrastane små vil det i mindre grad endra byggets karakter. Er kontrastane store bør solcelleanlegget innordna seg byggets form.
• Eksponering. Her vektleggast plassering og farge der tiltaket plasserast ut mot offentlege byrom eller er godt synlege i landskapet, til dømes i strandsona eller kulturlandskap.
• Høg arkitektonisk verdi. Der bygg har høg arkitektonisk eigenverdi, til dømes er SEFRAK-registrert, vil omsynet til bygget vere viktig.
• Der det kan vere fare for nedfall på offentlege areal som gater, fortau og felles inngangar, kan dette utløyse søknadsplikt
• Solcelleanlegget kan påverke branntryggleiken. Til dømes viss anlegget etablerast over fleire bueiningar.
• Kort avstand mellom naboane. Dette kan påverke branntryggleiken, eller solcelleanlegget kan reflektera solljos på ein uheldig måte som vil påverke naboane negativt.

Det er også viktig at det er i samsvar med kommunale planar som kommuneplan og reguleringsplan. I planregisteret og i Vossakart kan du finne kva plan som er gjeldande for din eigedom. Eventuelt ta kontakt med byggsak@voss.herad.no om du treng meir rettleiing. Ver venleg å oppgje gards- og bruksnummer og kvar du ynskjer å oppføre solcelleanlegget (til dømes kva takflate eller kvar på bakken).