Seksjonering er oppdeling av bygningar i eigarseksjonar. Ein eigarseksjon er ein sameigeandel i eigedom som er bygd på, med tilknytt einerett til bruk av ein av fleire bustader eller andre brukseiningar i eigedomen.

Seksjonering eignar seg for oppdeling av bustadblokker, horisontaldelte to- og firemannsbustader, næringsbygg i fleire etasjar med ulike brukarar av etasjane og liknande.

Dersom eigedomen kan delast kan det vera fordelaktig å dela i eigne gnr./bnr framfor å seksjonera. På denne måten unngår ein ein del ulemper og problem ved seinere utbygging og disponering av eigedomen.

Du må då søkja om å dela eigedomen i staden.

Innanfor seksjonering driv ikkje kommunen generell rettleiing/rådgjeving. Vi rår til at ein tek kontakt med advokat eller eigedomsmeklar for å utabeida søknad og vedtekter.

Send søknadskjema til kommunen, med fylgjande vedlegg:

• Situasjonsplan (kartutsnitt som viser eigedomsgrenser og bygg på eigedomen)
• Planteikningar
• Vedtekter

Det kan ta inntil 12 veker å handsama søknaden og registrera seksjonane i matrikkelen. Det føreset at søknaden er komplett, jf eigarseksjonslova § 14.

Her finn du søknadsskjema for seksjonering og reseksjonering, med rettleiing: Søknad om seksjonering