Høyringsinnspel kan sendast innan 8.mai 2026 til: postmottak@voss.herad.no  

Planen finn du her: 

Temaplan avløp og vassmiljø

Planen er utarbeid i planverktøyet Framsikt. Administrasjonen har utarbeid kunnskapsgrunnlaget. Føremålet med temaplanen er å sikre ei heilskapleg, berekraftig og framtidsretta forvaltning av avløp og vassmiljøet i Voss herad. Temaplanen skal gi oversikt over dagens tilstand, identifisere behov for tiltak og vere eit styringsverktøy for å oppfylle krav i regelverk og utsleppsløyver.

Hovudmål er henta i  kommuneplanen sin samfunnsdel:

• Mål 1:  Voss er ein attraktiv stad å bu, besøkja og driva næring, der kulturkrafta fremjar både vekst og vern.  
• Mål 3: i Voss kuttar me klimagassutsleppa og tek vare på naturen for framtidige generasjonar 
• Mål 4: i Voss er me budd på å handtera større uynskte hendingar 
• Mål 5: Voss herad er ein berekraftig kommuneorganisasjon, økonomisk robust med tenester på rett nivå

Ut frå desse føringane skal temaplanen for avløp og vassmiljø medverka til:

• å sikre god vasskvalitet i vassdrag og redusert ureining
• å styrkje klimaomsyn og klimatilpassing i avløpssektoren
• å sørgje for robust infrastruktur og meir førebyggjande arbeid
• å gje eit kunnskapsgrunnlag for politiske prioriteringar, arealbruk og investeringar

Jakob Håheim