I tråd med barnehagelova § 17 er det samordna opptaksprosess i heradet. Dette betyr at søknadane til alle barnehagane, kommunale og private, vert handsama i same prosess. I hovudopptaket er det søknadar for barn med lovfesta rett til barnehageplass som vert handsama.
Kven har lovfesta rett til barnehageplass:
- Barn som fyller eitt år innan utgangen av august 2026 har rett på barnehageplass i august 2026.
- Barn som fyller eitt år i september, oktober eller november 2026 har rett på barnehageplass innan utgangen av den månaden barnet fyller eitt år.
- Barn som er busett i Voss herad når barnet skal byrja i barnehage.
- Det er søkt om barnehageplass innan søknadsfristen 1.mars.
Rett til barnehageplass betyr at barnet har rett til barnehageplass i Voss herad.
Hovudopptaket pågår frå 2. mars til og med 1. mai. I den perioden kan det ikkje gjerast endringar i søknaden. Søknadar for barn som ikkje fyller kriteria for lovfesta rett til barnehageplass, vert handsama etter 1. mai 2026.
Prioritet
Det kan søkjast om prioritet til barnehageplass i tråd med gjeldande kriterium.
Sjå Vedtekter for kommunale barnehagar i Voss herad.
Gyldig dokumentasjon skal sendast:
Voss herad v/Kommunalavdeling Oppvekst, postboks 145, 5701 Voss, innan 1. mars.
Søknadsportalen
Her finn du lenke til søknadsportalen og meir informasjon om opptaksprosessen:
Søk barnehageplass - Voss herad
Du skal ikkje logga inn for å søkja om barnehageplass, men om du skal gjera endring i eksisterande søknad må du logga inn via ID-porten.
Informasjon om barnehagetilbodet i Voss herad finn du her: Vossabarnehagen
Voss herad v/ barnehagemynde