Ekstremvêret Amy er venta i kveld og natt. Heile heradet vil verta råka av kraftg vind. Slik vêrvarselet er no, vil fjordnære strøk, som Oksenhalvøya, og fjellet aust i Voss herad verta hardast råka. Det er også venta store lokale skilnader i heradet, med svært kraftige vindkast.

Både teknisk drift og Voss brannvern har normal beredskap, men har også ekstra mannskap tilgjengeleg dersom det er behov for meir folk.

Legevakt og helse og omsorg fylgjer situasjonen, og førebur seg på å handtera eventuelle hendingar.

Me ber alle om å sikra lause gjenstandar, som hagemøblar, trampoliner og anna som kan verta tatt av kraftig vind.

Den kraftigaste vinden er venta ved 2-tida natt til laurdag, og er venta å avta utover laurdag føremiddag.

Hald deg oppdatert på Varsel fra Meteorologisk Institutt for Indre strøk og fjellet i Sør-Norge | Varsom.no