Søk barnehageplass innan 1. mars

Søknadsfrist for hovudopptaket til barnehageplass for barnehageåret 2025-2026 er 1.mars 2025. Har du søkt barnehageplass tidlegare treng du ikkje søkja på nytt. Hovudopptaket gjeld ledige plassar frå august 2025 i kommunale og private barnehagar. Ved hovudopptaket er det søknadar for barn med lovfesta rett til barnehageplass som vert handsama.

Sist endra 24.02.2025 10.50

Kven har lovfesta rett til barnehageplass?

  • Barn som fyller eitt år innan utgangen av august 2025 har rett på barnehageplass i august 2025
  • Barn som fyller eitt år i september, oktober eller november 2025 har rett på barnehageplass innan utgangen av den månaden barnet fyller eitt år.
  • Barn som er busett i Voss herad når barnet skal byrja i barnehage
  • Det er søkt om barnehageplass innan søknadsfristen 1.mars

Retten til barnehageplass gjeld barnehageplass i heradet.

Hovudopptaket pågår frå 2. mars til og med 1. mai. I den perioden kan det ikkje gjerast endringar i søknaden. Søknadar for barn som ikkje fyller kriteria for lovfesta rett til barnehageplass, vert handsama etter 1. mai 2025.

Prioritet

Det kan søkjast om prioritet til barnehageplass i tråd med gjeldande kriterium. Les om gjeldande vedtekter her:

Vedtekter for kommunale barnehagar i Voss herad 

Gyldig dokumentasjon skal sendast innan 1. mars til: 
Voss herad v/Kommunalavdeling Oppvekst, postboks 145, 5701 Voss

Søknadsportalen

Lenkja til søknadsportalen finn du her: Søk barnehageplass - Voss herad 
Du skal ikkje logga inn for å søkja om barnehageplass, men om du skal gjera endring i eksisterande søknad må du logga inn via ID-porten.

Informasjon om barnehagetilbodet i Voss herad finn du her: Vossabarnehagen - Voss herad

 

Voss herad, Kommunalavdeling Oppvekst - barnehagemynde