No er det endeleg stadfesta, det beste vatnet i Noreg kjem frå Vossevangen vassverk. Det er klart etter at Det er Norsk kommunalteknisk foreining (NKF) og Norsk Vann som har kåra vatnet på Voss til det beste i heile landet.

Agnar Bøthun og Ivar Gjerald

Juryen har i eitt år leita etter det beste drikkevatnet, og kåra vinnaren på Ås i dag 10. mai. Voss stakk av med sigeren i skarp konkurranse med fleire andre kommunar som var kome til semifinala. Juryleiar Johan P. Nielsen sa før finalen at nivået var skyhøgt alt i semifinalane.

Det var driftsoperatørane Agnar Bøthun og Ivar Gjerald som tok i mot prisen på vegner av Voss herad.

- No haustar me fruktene av den gode jobben me gjer kvar dag med å levera godt drikkevatn til innbyggjarane våre. Det er sjølvsagt stor stas å få denne prisen, seier Jakob Håheim, fagleiar for vatn og avløp i Voss herad.

Solceller på ungdomsskulen

Solcelleanlegget på taket av av idrettsfløyen vert montert i desse dagane, og vert snart sett i drift. Det betyr at byggjeplassen alt kan nytta straum vert produsert på plassen i resten av byggetida.

Anlegget har estimert årleg produksjpn på 88.500 kWh i året. Til samanlikning nyttar ein vanleg einebustad kring 20.000 kWh i året.

Fakta om anlegget:

• 292 stk solcellepanel på 425Watt kvar.
• Installert effekt: 124,1kWp (292panel x 425Wp)
• Estimert årlig produksjon: 88 500kWh
• Festemateriell produsert av LOBAS på Osterøy
• Me driv montering i desse dagar, hovudtavle er installert slik at me er klare til å ta imot eigenprodusert byggestraum i juni.

10. klassingar som har arbeidslivsfag som valfag har fylgt byggeprosjektet på skulen stegvis gjennom heile skuleåret, og denne veka var dei på synfaring, med temaet elektrofag.

TryggEst Voss herad – eit «vaksenvern»

«Alle har rett til å vera trygge».

Det er lovfesta at kommunar skal handtere saker kring vald eller overgrep i nære relasjonar.

TryggEst er ein modell frå BufDir som skal bidra til å forhindra, avdekka og handtera vald og overgrep mot vaksne. Kommunar som har innført denne modellen har avdekka 6 gongar fleire overgrep enn kommunar utan.

Det er politisk vedtatt at Voss herad skal innføre denne arbeidsmåten i sine einingar, og vi er no i sluttspurten mot oppstart.

Ein kan kontakte TryggEst-teamet både om ein er bekymra for ein person, eller om ein sjølv er utsett for vald eller overgrep. Ein treng ikkje å vere sikker på at det ein har opplevd, eller trur nokon andre oppleve, er ulovleg for å melde frå. Det er viktig at ein tek kontakt, slik at personen sjølv eller andre kan få hjelp.

«Ein veg inn»

Det vert ein vakttelefon som Koordinerande eining skal bemanne. Denne har opningstid kl.09.00 – 15.00 måndag – fredag. Info vert lagt ut på heimesida og i media når alt er klart.

Dei som tek i mot telefonen, melder saka vidare til TryggEst Voss sitt operative team. Dette skal bestå av ulike fagprofesjonar, og alle skal ha kunnskap om fagområdet, samt vere trent i triagering av saker.

Det skal og vere eit samarbeid med politiet.

Informasjonsvideo om tryggEst:

TryggEst - en modell for å håndtere mistanke om vold og overgrep mot risikoutsatte voksne - Bufdir

Mindre trekk

Rammetilskotet frå staten er frie inntekter som kommunen disponerer. I desember 2022 vart det varsla at kommunar med høge inntekter frå sal av konsesjonskraft ville få trekk i rammetilskot, tilsvarande 87 mill.kr for Voss. På nyåret kom det beskjed om at trekket truleg ville bli redusert på grunn av lågare straumprisar. Voss estimert eit mogleg trekk til 60 mill.kr og innarbeidde dette i revidert budsjett som vart vedteke av heradsstyret i mars. I revidert nasjonalbudsjett kom ny informasjon om at trekket i rammetilskot er redusert til ca.19,5 mill.kr. Dette gjer at rådmannen legg fram ein auke på 40 mill.kr i rammetilskot på grunn av denne endringa. 

Ein vekst i inntektene gjev Voss eit økonomisk handlingsrom til å dekka allereie planlagt aktivitet som hadde vore krevjande å finna rom til utan desse inntektene. 

Me jobbar no med å innarbeida endringane som kom i revidert nasjonalbudsjett i vårt budsjett for 2023. Dette blir lagt fram i rapport for 1.tertial.

Korleis få ned sjukefråværet

Sjukefråværet i Voss herad er høgt og har vore høgt over tid. Det er difor viktig å sjå på korleis me saman kan arbeida for å få ned sjukefråværet gjennom førebygging og tilrettelegging

Rådmannen og AMU har utfordra HR-avdelinga til å starte eit arbeid med å få ned sjukefråværet i heradet.

Alle leiarar, hovudtillitsvalde og hovudverneombod med fleire har difor blitt invitert til å bidra i kartlegging av korleis me bør arbeide med å få ned sjukefråværet i Voss herad gjennom ei spørjeundersøking

Kva skal me nytte resultata til?

• Utarbeide ein langsiktig plan for kva fokus og tiltak som skal bidra inn i arbeidet med å få ned sjukefråværet
• Sikre at me treff organisasjonen sine behov gjennom val av fokus og tiltak.