Ledige stillingar

Takk for at du viser interesse for å søkja ledig stilling i Voss herad.

1.desember 2022 fekk Voss herad nytt rekrutteringssystem, Easycruit. Det inneber at dersom du har søkt og hatt konto hjå oss før, må du no laga deg ein ny konto. CV og eventuelt andre vedlegg du har lagt inn i det førre systemet vil ikkje ligga i det nye systemet, og du må altså legga dette inn på nytt.

Sjå stillingsutlysingar og søk via rekrutteringssystemet Easycruit. Når du kjem inn på sida for stillingar: Klikk på utlysingstittelen for å lesa heile utlysingsteksten.

Sjå ledige stillingar i Voss herad

Slik søkjer du jobb i Voss herad

Dersom du har oppretta ein brukar i Easycruit, loggar du deg på med denne. Har du ikkje brukar, anbefaler me at du opprettar ein brukar for å søkja på ein stilling. Dersom du søkjer utan å oppretta ein brukar blir ikkje opplysningane lagra til ein eventuell neste gong du søkjer jobb i Voss herad.

Når du kjem inn på ein stilling ligg søkjeknappen oppe til høgre. Dersom stillinga gjeld fleire avdelingar må du fyrst trykkje på aktuell avdeling og deretter vil søkjeknappen visa. Vidare må du huka av for at du aksepterar personvernvilkåra og trykka neste. Du kjem då vidare til sida der du legg inn CV, søknad, informasjon om deg sjølv, utdanning, arbeidserfaring osb. Nedst på sida kan du oppretta konto, men dersom du ikkje ynskjer det kan du også berre trykka neste og dermed søkja utan å vera innlogga.

For å leggja inn vitnemål og attestar, trykkjer ein på "legg til" under "utdanning" eller "arbeidserfaring" og får vidare moglegheit til å lasta opp vedlegg.

Me opplever dessverre til tider at korrespondanse frå Easycruit går til mottakar sin søppelpost. Me ber deg difor om å sjekka den i tillegg til innboksen din.

Me lyser nokon stillingar internt. Her er det berre tilsette i Voss herad som kan søkja.

Sjå interne lysingar i Voss herad

I tillegg til dei ledige stillingane våre i Easycruit kan ein også søkja for å bli tilkallingsvikar, støttekontakt eller privat avlastar i Voss herad.

Tilkallingsvikar

Ynskjer du å stå på liste over tilkallingsvikarar i helse og omsorg eller oppvekst? Lenkje til søknadskjema finn du her

Støttekontakt

Har du litt tid til overs? Ynskjer du å gjera ein forskjell? Vil du bidra til auka livskvalitet for nokon som treng deg? Me treng alle typar støttekontaktar.

Bli støttekontakt

Privat avlastar

Vil du gjera ein stor forskjell for nokon? Er du god på å skape relasjonar og ynskjer å opne heimen din for andre? Bli privat avlastar for born og unge som har nedsett funksjonsevne!

Bli privat avlastar

Kontaktinformasjon

Har du spørsmål eller utfordring med utfyllinga, ta kontakt med oppførte under "Kontakter" i den stillinga du søkjer.

Me gjer merksam på at

Inaktivitet i meir enn 20 minutt fører automatisk til utlogging. Søknadsprosessen bør difor fullførast.
Det er høve til å lima inn tekst i søknadsbilete frå andre program, til dømes Word
Opplysningane du registrerar inn på den søknaden vil verta liggjande i vår database slik at desse kan nyttast ved seinare høve.