Søk kommunal bustad elektronisk

Søk kommunal bustad per post:

Last ned søknadsskjema

Dette må du legge ved søknaden:

• Dersom du søkjer på vegne av andre legg ved fullmaktskjema (PDF, 20 kB)
• Skattemelding - du finn skattemeldinga di i innboksen i Altinn, den heiter "Skattemeldingen som dokumentasjon"
• Lønnsslippar eller utbetalingar frå NAV for dei to siste månadane
• Dokumentasjon på sosiale eller helsemessige forhold som kan ha verknad for søknaden. Ved søknad om omsorgsbustad skal legeopplysningar av nyare dato leggjast ved søknaden.

Treng du hjelp til å fylle ut søknaden kan du kontakta sakshandsamar bustad eller helse- og omsorgsavdelingane.

Voss herad innhentar informasjon frå andre involverte instansar og kartleggjer behovet ditt. Søkjarar som har mest påtrengande behov vert prioritert fyrst. Dersom du er bustadlaus og Voss herad ikkje har ledig kommunal bustad vil Nav tildela deg eit midlertidig butilbod.

Du har rett til eit vedtak i posten/digital innan fire veker. Dersom du ikkje får svar innan fire veker, vil du få eit foreløpig svar med orientering om når det er forventa å få svar. Vedtaket kan vera:

• Innvilga: skildrar at du fyller vilkåra, lengda på leigekontrakten, bustadadresse og kven du kan kontakte ved spørsmål.
• Innvilga plass på venteliste: dersom det ikkje er ledige bustader vil du motta eit vedtak om at du fyller vilkåra men er sett på venteliste. 
• Avslag: skildrar ei begrunning for kvifor du ikkje fyller vilkåra.

Kor stor bustad du får tildelt vil vera avhengig av husstanden sin storleik.

Leigekontrakta varer vanlegvis inntil tre år. Dersom du fortsatt har behov for kommunal bustad etter at leigekontrakta er gått ut, kan du søkja om forlenging. Du nyttar same søknadsskjema som for søknad om kommunal bustad.

Du kan klaga på vedtaket innan tre veker etter du mottok vedtaket. Klagen skal innehalda grunngjeving for klage og eventuelle nye opplysningar og dokumentasjon. I vedtaket står informasjon om korleis du klagar og klagefrist. Andre kan etter fullmakt klaga for deg. Klagen vert handsama i kommunal klagenemnd. 

Har du spørsmål eller treng rettleiing i å klaga kan du kontakta sakshandsamar bustad eller ei helse- og omsorgsavdeling.

• fylt 18 år
• har lovleg opphald i Norge
• har fast adresse eller har vore busett/hatt opphald i Voss herad dei siste 6 månadene
• er utan eigen, sjølvstendig bustad
• har helsemessige eller sosiale årsaker og behov for endring av noverande buforhold
• har helsemessige eller sosiale årsaker og behov for oppfylging i bustad
• har behov for spesielt tilrettelagt bustad av helsemessige eller sosiale årsaker

Husleiga vert fastsett ut frå bustaden sin standard, storleik og bustadmarknaden sin leigepris.

Treng du stønad til å betala husleiga kan du søkja om bustønad frå Husbanken. Søknadsskjema finn du her: Søknad om bustønad

Dersom du ynskjer hjelp til å få orden på personleg økonomi kan du søkja Nav Voss om økonomisk gjeldsrådgjeving. Tilbodet er gratis. Søknadsskjema finn du her: Søknad om økonomisk gjeldsrådgjeving

Informasjonsbrosjyre om betaling av husleige (PDF, 47 kB)

For deg som ikkje får vanleg bustadlån kan startlån væra eit alternativ. Har du låg inntekt kan startlånet også kombinerast med tilskot eller bustønad.

Lov om kommunenes ansvar på det boligsosiale feltet