KORT FORTALT

Støttekontakt er eit tilbod for deg som har behov for ein person som kan vera saman med deg på fritida, slik at du kan få ei aktiv fritid eller hindra at du vert isolert grunna alder, nedsett funksjonsevne eller sosiale utfordringar.

Tenesta er gratis, men du må sjølv dekkja utgifter til aktivitetar.

Støttekontakten kan besøka deg heime, eller de kan delta på ulike aktivitetar saman, som kino, kafé, turar eller arrangement. Tilbod om støttekontakt er vanlegvis ein til tre timar i veka, og alle som jobbar som støttekontakt har teieplikt.

Støttekontattenesta består av tre ulike tenester: 

• Individuell støttekontakt / treningskontakt
• Deltaking i aktivitetsgruppe
• Individuelt tilbod i samarbeid med ein frivillig organisasjon

Søk helse- og omsorgstenester