Kva kan ein ergoterapeut hjelpa deg med?

• Kartlegga funksjon og gje råd om å tilpassa aktivitetar og arbeidsvanar
• Gje råd for å betra eller bevara funksjon, og førebygga sjukdom og skade
• Tilpassa bustad, barnehage, skule eller arbeidsplass
• Trena saman med deg for å meistra viktige daglege oppgåver
• Søka om og bestilla tekniske hjelpemiddel
• Tilpassa og læra deg å bruka hjelpemiddel
• Gje råd til pårørande og samarbeidspartnarar
• Setja mål for habilitering og rehabilitering
• Følga deg opp etter sjukeheim eller sjukehusopphald
• Delta i kvardagsrehabilitering og heimerehabilitering

Les meir om hjelpemiddel, syns- og hørselshjelp

Korleis får du hjelp?

Du kan sjølv ta kontakt, eller få hjelp frå fastlege, heimesjukepleie eller andre helseaktørar. Me brukar ein prioriteringsnøkkel for å vurdera kven som får hjelp først.

Prioriteringsnøkkel for ergoterapi

• Rask hjelp: Når det er viktig å hindra tap av funksjon eller lindre plager
• Tidleg hjelp: Når det er mogleg å betra eller bevara funksjon og meistring
• Generell hjelp: Når tiltak kan ha positiv effekt på kvardagen din

Pris

Tenesta er gratis, og du treng ikkje tilvising frå lege eller anna fagperson. Du kan ringja oss direkte.