Kveding.
Kulturskulen tilbyr gruppeundervisning i kveding.
Påmelding på Voss Herad si heimeside via Kultur, idrett og fritid.
De kan koma med ynskje i påmeldinga.
Aldersgrense: Frå 5 år.
Utmelding: På epost til oddvar.nostdal@voss.herad.no
Kveding er ein syngjemåte inorsk folkemusikk. Kjem av ordet kvad, som tyder å syngja. Her nyttar ein talestemma, det lokale språket/dialekten, når ein syng. Talenær song. Ein puttar inn forsiringar, eller melodiske utsmykningar i melodien, og bevisst syng ein meir på konsonantane enn i klassisk song. Repertoaret er folketonar, med alle dei ulike sjangrane som fins der. T.d. bånsull, balladar, slåttestev, religiøse folketonar og så vidare. Alt vert lært på gehør. Hovudområdet vert songar frå Voss, Sogn og Hardanger.
Overordna mål for eleven
Få gode ferdigheiter med songen sin
Oppleva meistringsglede
Utvikla seg til å verta ein sjølvstendig utøvar som har glede av musikk gjennom heile livet
Utvikla evna til å syngja saman med andre, og å samarbeida
Få moglegheit til fordjupning som kan danna grunnlag for vidaregåande og høgare utdanning.
Verta ein ressursperson som bidreg til eit levande kulturliv
Fase 1
Få gode øvingsrutinar
Enkel oppvarming
Grunnleggande stemmebruk, verta trygg på eiga stemme
Læra ulike sjangrar; bånsull, skillingsviser, balladar og slåttestev
Læra om korleis ein nytta songane til ulikt bruk
Læra om kjeldene
Læra om folkemusikken her me bur
Delta på konsert
Fase 2
Øver regelmessig
Lytta aktivt til eigen song og medelevar i samspel
Nytta kunnskap om dialekten til songen, syngjemåte, uttale og rytmevarisasjon alt etter kvar i landet den er ifrå
Delta på konsertar
Fase 3
Planlegga øving saman med lærar
Bruka opptak av eiga synging som øvingsmetode og eigenutvikling
Kunna lengre songar utanat
Få kunnskap om rett stemmebruk
Opparbeida eit allsidig repertoar
Læra notar for eiga innstudering frå nedskrivne songar
Fase 4
Høge krav til øving
Langsiktig plan for øving
Nytta ulike kjelder, opptak, notenedskrivingar, arkivopptak , lytta til andre utøvarar for å læra nytt stoff
På eiga hand innstudera nytt stoff der ein nyttar all kunnskap ein har tileigna seg opp gjennom åra
Breiddetilbod
Oppvarming og grunnleggande stemmebruk
Læra ulike songar
Konsertdeltaking i trygge rammer
Spesielt for kveding
Læra songar i ulike sjangrar
Artikulasjon og tydeleg tekstuttale
Verta trygg på eiga stemme
Korleis me jobbar for å oppnå måla
Enkeltundervisning
Framføring i trygge rammer
Forventningar til eleven
Vera godt førebudd, vera aktiv på timen
Forventningar til læraren
Vera godt førebudd
Gje rette utfordringar
Gje klare mål til eleven
Gje trivsel og trygge rammer
Vurdering
Klare mål og evaluering undervegs
Godt samarbeid elev- føresette-lærar
Kjernetilbod
Spesielt for kveding
Gruppeundervisning, i nokre tilfelle individuelle timar
Oppvarmingsøvingar
Grunnleggande songteknikk
Læra songar på gehør
Læra om kjelda
Korleis me jobbar for å oppnå måla
Gruppeundervisning
Konsertdeltaking i trygge rammer på ulike arenaer
Godt samarbeid mellom elev,føresette og lærar
Variert repertoar frå dei ulike sjangrane innan folkemusikken
Forventningar til eleven
Gode øvingsrutinar og systematisk heimearbeid
Vera godt førebudd, vera aktiv på timen
Delta på elevkonsertar og liknande arrangement
Føresette fylgjer opp øvingsarbeidet mellom timane
Forventningar til læraren
Vera godt førebudd til timen
Skapa trivsel og trygge rammer
Innføring i bruk av øveteknikkar, forklara korleis og kvifor
Gje tydelege arbeidsoppgåver og rette utfordringar
Setja klare mål, og sei når desse er nådd
Vera eit godt førebilete
Vurdering
Ha klare mål og evaluering med eleven undervegs
Godt samarbeid mellom elev, føresette og lærar
Det er meir å lesa om faginnhaldet i kulturskulen i den nasjonale rammeplanen: http://kulturskoleradet.no/rammeplanseksjonen/rammeplanen