Fiolin.
Kuturskulen tilbyr både enkeltundervisning og gruppeundervisning (orkester) på fiolin.
Påmelding på Voss Herad si heimeside via Kultur, idrett og fritid.
De kan koma med ynskje i påmeldinga.
Aldersgrense: Frå 6 år.
Utmelding: På epost til oddvar.nostdal@voss.herad.no
Fiolinen er det minste av strykeinstrumenta og har lange tradisjonar innan både klassisk- og folkemusikk, i tillegg til å bli mykje brukt i både jazz og populærmusikk.
Mange kjenner den i klassisk samanheng som ein del av eit symfoniorkester, men den er også ein del av eit kammerorkester, ein strykekvartett, ein strykeduo/-trio, eller andre ensemblesamansetjingar.
Fiolinen er like gjerne også eit soloinstrument, og i den klassiske fiolinlitteraturen fins det mengder av fiolinkonsertar og –sonater av store komponistar som Bach, Vivaldi, Mozart, Beethoven og Brahms for å nemna nokon.
Instrumentet fekk si noverande form i løpet av 1500- og 1600-talet i Norditalia. Fiolinbyggjarfamiliar som Amati, Stradivari og Guerneri perfeksjonerte instrumentet.
Det vert forventa at elevar som lærer å spela eit orkesterinstrument også deltek i kulturskulen sine junior- og rekrutteringsorkester.
Helga Hjetland underviser i fiolin: helga_jet@hotmail.com
Kjernetilbod
Overordna mål for eleven:
Oppnå gode ferdigheiter på instrumentet sitt
Oppleva meistringsglede
Utvikla evne til samarbeid og samspel
Bli ein ressursperson som bidreg til eit levande kulturliv.
Nybegynnar (Ca. 1-2 år):
Bli kjent med instrumentet, dei ulike delane og korleis ta vare på det
Innarbeida god spelestilling, kroppshaldning og bogegrep
Laga god lyd i fela, fyrst med pizzicato, deretter med bogen; gode strengskift og rett boge
Lytta bevisst og imitera på opne strengar, etterkvart ulike rytmar, gjenkjenna tonar og rytmar
Læra 1., 2. og 3. finger (evt også 4. Finger)
Spela enkle, gjerne kjende melodiar i A- og D-dur, gjerne gehørbasert
Gradvis innføring av notar
A-dur og D-dur skala i ein oktav
Læreverk/metode- eksempel: Midt i blinken (Anne Berit Halvorsen). For dei yngste kan ein godt starte med Eva Belvelin (tidl. Bogren): ”Små låtar för små stråkar”
Samspel med lærar med ulike stemmer og spela med cd-komp
Opptre på konsert, gjerne akkompagnert av piano
Innarbeida gode øvingsvanar, her er foreldra viktige
Oppleva størst grad av meistring heile vegen
Mellomstadiet (ca 1-3 år):
Utvida repertoaret i A- og D-dur, bli trygg på toneartane
Introdusera låg 2. finger og 4. finger
Spela stykker i toneartar med grep med låg 2. finger
G-dur skala i 2 oktavar
Delta i samspelgruppe med andre strykarar og oppleva gleda ved samspel og det sosiale rundt dette
Auke øvingsmengde gradvis
Bevisst forhold til notar, pauser, rytmemønster, lause forteikn og dynamikk
Kontinuerleg arbeid med god, avspent kroppshaldning og eit godt bogegrep
Bevisst bruk av staccato, legato, portato og detaché
Opptakt
Introdusera 3-takt
Læreverk/metodeverk- eksempel: Midt i blinken 1 og 2, Suzuki violin school vol 1 og 2, små etydar og øvingar som f.eks Kayser
Kontinuerleg fokus på god intonasjon og klang
Delta på konsertar
Notelesing
Vidarekomen (2-3 år):
Introdusera grep med låg 1.finger og låg 4. finger
Introdusera 3. Posisjon
Vibrato og klangproduksjon
Øva sjølvstendig og planmessig
Frasering og artikulasjon, accentar
Delta i samspel for dei vidarekomne elevane
Evt. kammermusikk med andre elevar/lærar
Delta på konsertar
Etydar som f.eks Kayser, Seybold
Skalaøvingar, som ”Den unge fiolinistens skalasystem” av Nicolae Bogdan
Metodeverk som Suzuki vol. 3 og 4, konsertar av Seitz, Rieding og Küchler
Meir bevisst bruk av boge og bogeinndeling
Høgare nivå (3-5 år):
2. posisjon, 4. -6. posisjon
Skalaøvingar i 3 oktavar, som Flesch eller liknande
Spela i meir avanserte taktartar
Toneartar med fleire # og b
Musisera sjølvstendig,
Væra med i Fossegrimen
Øva planmessig og målretta på instrumentet
Suzuki violin school vol 5 og 6, større verk frå den klassiske fiolinlitteraturen
Korleis me arbeider for å oppnå måla
Individuell undervisning.
God kommunikasjon med foreldre.
Konsertar og framføringar.
Klare mål.
Evaluering etter kvart undervisningsår.
Samarbeid med lokale korps og orkester.
Forventningar til eleven
Godt forebudd til timane.
Systematisk heimearbeid.
Positivt til stades på timane.
Deltek på konsertar og arrangement.
Forventningar til læraren
Godt førebudd til timane.
Gjev innføring i korleis ein øver.
Gjev rette utfordringar.
Syrgjer for at eleven veit måla sine, og når dei er nådd.
Syrgjer for tryggleik og trivsel.
Er eit forbilde for eleven.
Vurdering