For fyrste gong vert det arrangert Frivilligbørs på Voss. Satsinga er eit samarbeid mellom frivilligheita, næringslivet og kommunen med mål om å skapa nye og gode samarbeid på tvers.  

Les meir om frivilligbørs her

Frivilligbørs vert arrangert i samarbeid med Voss frivilligsentral.

Korleis leva opp til «Mer av alt raskere?», tryggja ny næringsutvikling og samstundes ta vare på naturen vår? IdéCamp Energi 2025 vil freista finna svar som bidreg til å løysa denne store samfunnsfloka.  

Me vidarefører erfaringane frå IdéCamp 2011 og set av ein dag der lokalt næringsliv, kraft- og energibransjen, akademia, interesseorganisasjonar og politisk nivå samlast for i fellesskap kunna tenkja «utanfor boksen» og finna nye løysingar for framtida.

IdéCamp 2025 vert arrangert i samband med Fornybar Framtidi–veka. IdéCamp vert gjennomført i samarbeid med Voss Energi, Hardanger og Voss næringshage og Voss næringsråd. 

Les meir her: IdéCamp Energi 5. februar - Voss herad

IdèCamp 2025 vert arrangert i samband med Fornybar Framtidi – veka. 

IdèCamp vert gjennomført i samarbeid med Voss Energi, Hardanger og Voss næringshage og Voss næringsråd.
 

Bygd for syklistar? 

Voss er full av entusiastiske syklistar, trass i ein infrastruktur som i liten grad spelar på deira lag. Kva grep må me ta for å gjera det tryggare og kjekkare å vera syklist i Voss herad?

Til borgarpanela vert deltakarane invitert personleg til å komma med til tre ulike verkstadar med tre relevante tema for Voss. Invitasjonane går ut breitt og det er «fyrste mann til mølla» som gjeld for å komma med. Målet med å invitera til borgarpanel er å nå grupper i samfunnet som vanlegvis er underrepresenterte i politisk arbeid. Deltakarane får ei løn for å delta og bidra med innspela sine, og dette skal bidra til at kvar enkelt sin sjanse til å delta verta mindre påverka av faktorar som familie- og arbeidsforhold, økonomi og helse.  

Det andre borgarpanelet har tittelen: Landbruksbygda Voss

– Bonden er viktig, men er veg, bustad og anna utvikling viktigare? Landbruket sørgjer for arbeidsplassar, matsikkerheit, kulturlandskap, naturmangfald og identitet, likevel mistar me kvart år dyrka jord til andre føremål. Tar me godt nok vare på bøndene våre? 

Vossadagane er møteplassen der ein løftar blikket og ser det store bilete, og samtidig trekkjer linjene frå det globale og nasjonale til Vestlandet og Voss. Tittel på Vossadagane 2025 er «Framtidstru» og lyfter fram fire overordna tematikkar:

• Forteljinga om Norge 2050 - korleis kan Voss bidra? 
• Framtidas byggenæring - kvar og korleis skal me byggja? 
• Korleis skapar me morgondagens berekraftige matsystem? 
• Framtidas arbeidskraft – korleis kan me styrkje folkehelsa?

Vossadagane vert arrangert i eit samarbeid mellom Voss herad, Voss Energi AS og Hardanger og Voss næringshage. 

Næringslivet sine kår i framtida. Presentasjon av skisse til ny samfunnsdel og arealstrategi.

Last Tuesday vert arrangert i samarbeid med Hardanger og Voss næringshage.

Me inviterer frivillige lag og organisasjonar til å visa fram aktivitetane sine på stand i Voss sentrum. Saman set me fokus på kor viktig frivillig innsats og dugnad er for bygda!

Ynskjer du å stå på stand med ditt lag eller organisasjon? 

Les meir om Frivilligdagen og korleis du kan melda deg på her: 

Frivilligdagen laurdag 6.september 2025

Frivilligdagen vert arrangert av Voss herad, Voss Frivilligsentral og Voss sentrum.

Me inviterer til ei veke med debatt, kino, quiz, innbyggjarundersøking mm. der tema er samfunnstryggleik og beredskap for framtida.

Temaveka vert arrangert i samarbeid med Beredskapsveka 2025.
 

Med erfaringane frå Bygdalab Sentrumsplan og Bygdalab Vossaklima 2030, ynskjer me invitera til Bygdalab KPA våren 2026. Nærare rammer for Bygdalab KPA vert lagt i løpet av 2025.