Økonomisk rådgjeving

Økonomisk rådgjeving får du ved NAV Voss.

Sist endra 02.07.2024 15.29

Har du gjeld og har utfordringar med å betala den? Har du problem med å disponera pengane slik at dei strekkjer til? Då er det viktig å søkja hjelp i tide. Hensikta med økonomisk rådgjeving og gjeldsrådgjeving er å hjelpa deg slik at du er i stand til å styra økonomien din sjølv.
Du kan og finna informasjon på NAV sine nettsider

Du kan søkja om økonomisk rådgjeving dersom du:

Kva slags hjelp kan du få?

Time til økonomisk rådgjeving.

Voss herad og NAV lokalt kan hjelpa til med å setja opp eit budsjett for å finna ut om du har nok inntekter til å dekka utgiftene. Dersom utgiftene viser seg å vera større enn inntektene, vil du få råd om kva du kan og bør gjera for å balansera dette. Du kan til dømes få hjelp til:
Å laga ei oversikt over den økonomiske situasjonen din.

Å setja opp eit hushaldningsbudsjett.
Å finna ut korleis du kan få mindre utgifter (unngå økonomiske feilprioriteringar).
Å gjera avtalar med dei du skuldar pengar.
Å skriva søknad om utsetjing av betaling.
Få opplysningar om rettar og plikter.
Dersom du har mykje gjeld slik at det er umogleg å betena, få hjelp til å søka gjeldsordning.
Hjelp til å ta kontakt med aktuelle kreditorar.
Kontakt med namsmannen.
Hjelpa føreset samarbeid. Som søkjar må du leggja fram dei opplysningane heradet treng.

Slik kan du få økonomisk rettleiing

Voss herad og NAV lokalt tilbyr hjelp som kan hindra at du får ytterlegare problem med å betala rekningar og betala tilbake gjeld.

Det er fleire måtar å koma i kontakt med økonomisk rådgjevar:

• Du kan ta direkte kontakt med gjeldsrådgjevar hjå NAV Voss på telefon 412 91 627 eller du kan ringe NAV på økonomirådstelefonen på 55 55 33 39.

Økonomisk rådgjeving er gratis. Det vil gjera det enklare å få oversikt over situasjonen din dersom du før møtet går gjennom lista nedanfor og skaffar relevant dokumentasjon/vedlegg.

Relevante vedlegg me treng for å hjelpa deg:
•    Utskrift av skattemelding for dei tre siste åra.
•    Saldo på alle kontoar.
•    Dokumentasjon på buutgifter.
•    Lønnsinntekt og trygdeytingar dei siste tre månadene.
•    Dokumentasjon på eventuell bustøtte.
•    Opplysningar om lån, kredittgjeld og annan gjeld.
•    Utgifter til lege, fysioterapi, kiropraktor, tannlege.
•    Utgifter til barnehage, SFO eller annan barnepass.
•    Utgifter til forsikring.
•    Opplysningar om innskot i spareordningar.
•    Eventuelt begjæring om utlegg.
•    Innkalling til forliksrådet.
Til time med økonomisk rådgjevar må du også ta med innlogging til BankID.

Saksgang

Økonomisk rådgjeving og gjeldsrådgjeving føreset samarbeid mellom søkar og rådgjevar.

Fylgjande framgangsmåte er vanleg:
•    Kartlegging av livssituasjonen din, med oversikt over inntekter i form av eit budsjettoppsett.
•    Vurdering av evna til å betena den økonomiske situasjonen.
•    Forslag til tiltak og løysingar på grunnlag av dei vurderingane som er gjort og etter avtale med deg.

Sjølvhjelpspakka - dette kan du gjere sjølv

Kva kan du sjølv gjere om du opplever at du er i ferd med å miste kontrollen over din eigen økonomi, eller allereie har mista den? Voss herad og NAV Voss har utarbeidd denne rettleiaren som skal hjelpe deg på vegen til å ta styring over din eigen økonomi igjen.

Få oversikt over inntektene og utgiftene dine

Det fyrste du bør gjere er å skaffe deg oversikt over inntektene og utgiftene dine. Eit tips er å logge deg inn i gjeldsregisteret, der får du oversikt over kredittkorta dine og forbrukslåna. Dei fleste inkassoselskapa har nettsider der du kan logge deg inn og få oversikt over sakene dine, sjå inkassoregisteret. Når du har skaffa deg ei foreløpig oversikt, kan du ta kontakt med gjeldsrådgjevar eller økonomirådstelefonen i NAV for råd og rettleiing.

Ring 55 55 33 39 - økonomirådstelefonen hjå NAV

Det er viktig å ta tak i økonomiske problem så raskt som mogleg. Økonomirådstelefonen kan gje deg råd og rettleiing om kva du kan gjera med dei økonomiske problema dine. Rådgjevarane driv ikkje sakshandsaming, men gjev deg enkle råd om kva du sjølv kan gjera for å løysa opp i situasjonen. Dersom du treng meir hjelp med dei økonomiske problema dine, fortel rådgjevarane deg kvar du kan venda deg.

Du kan vera anonym som innringjar om du ynskjer det. Tenesta er gratis frå fasttelefon. Brukar du mobiltelefon og har kontantkort, vil rådgjevarane tilby å ringa deg tilbake. For meir informasjon kan du sjå NAV sine nettsider.

Ta kontakt med kreditorane dine

For å få opplysningar om gjelda di, samt eventuelt søka om betalingsutsetjing, kan du ta kontakt med kreditorane dine enten per telefon, brev eller e-post. Dersom du ikkje har oversikt over uteståande gjeld, kan du be om å få tilsendt ei spesifisert oversikt over gjelda. Deretter kan du be om betalingsutsetjing for å få tid til å utarbeida ei oversikt og eit forslag til løysing.

Søknad om betalingsutsetjing

Når du har fått oversikt over gjelda di, og budsjettet viser at du ikkje har økonomiske midlar til å betene den, kan du søkja om betalingsutsetjing. Det er viktig at du grunngjev søknaden og legg ved dokumentasjon på inntektene og utgiftene dine. Beskriv forhold som kan ha innverknad på den økonomiske situasjonen din. Dette kan vera behandling, oppstart i nytt arbeidsforhold eller, osv. Hugs at alle forhold som du nyttar som grunngjeving i søknaden, må dokumenterast!

Har du for låg inntekt til å betala ned gjelda, vil som oftast kreditorane gje deg betalingsutsetjing. Dei vil moglegvis krevja at du skriv under eit gjeldsbrev på det skyldige beløpet. Dette vert gjort for å sikra at gjelda ikkje skal bli forelda. Det kan òg forhandlast om renta når det føreligg ei løysing.

Trekk i inntekt frå staten

Pålegg om trekk kan leggjast på inntekta di i samsvar med dekningslova. Dei instansane som kan leggja inn trekk er:

NAV – Innkreving (krev inn bidragsgjeld, feilutbetalt trygdeytingar osv.)
Statens Innkrevingssentral (krev inn bøter, erstatningskrav, årsavgift på bil, NRK-lisens, studielån osb.)
Skatteetaten (krev inn ubetalt skatt, moms, parkeringsbøter osb.)
Namsmann (krevjer inn inkassokrav). Namsmannen i Voss, postboks 100, 5701 Voss. Tlf. 56 52 87 00 - E-post post.namsmann@skatteetaten.no Denne e-postadressa bruker du om du alt har ei sak hjå namsmannen. Du må oppgje saksnummer i e-posten. Har du generelle spørsmål, ta kontakt på post.vest@politiet.no

Du skal, i samsvar med dekningslova, ha pengar til nødvendig livsopphald (både for deg sjølv og personar du har forsørgeransvar for) og rimelege buutgifter. Det er viktig at du sender inn dokumentasjon på utgiftene dine (buutgifter, barnehage/SFO, samværsutgifter). Dersom det du får utbetalt, med trekk for buutgifter, er lågare enn dei gjeldande livsopphaldssatsane, kan du søka om å få redusert/stoppa trekket. Det er viktig at du legg ved dokumentasjon på inntektene, buutgiftene samt eventuelt forsørgjaransvar eller samvær med barn og andre nødvendige livsopphaldsutgifter (behov for bil, auka utgifter til medisin, behandling osb.).

For å søka om endring av trekk ilagt av Namsmannen, kan du logga deg inn med bank-id hjå politiet - svare på utfleggsforetning

For å søka om endring av trekk ilagt av Skatteetaten, kan du logga inn med bank-id hjå skattetaten - søke om endring av utleggstrekk

For å søkja om endring av trekk ilagt av Statens innkrevingssentral, kan du logga inn med bank-id på statens innkrevingssentral - søke om endring av trekk

For å søkja om endring av trekk ilagt av NAV innkreving, kan du logga inn med bank-id på: Altinn - klage på påleggstrekk eller beløp

Dersom du søker om stopp/reduksjon av bidragstrekk ilagt av NAV Innkreving, er det òg viktig at det vert søkt om endring av fastsetjing av bidrag. Dette vert gjort ved at søknadsskjema NAV 54-00.08 (velg skjema for bidragsplikt) vert fylt ut. Har du fleire barnekull, må det fyllast ut eit skjema for kvart kull. Skjema for tilleggsopplysningar NAV 54-00.15 må også fyllast ut. Du finn skjema og meir informasjon på NAV. Nedanfor finn du namn og adresser til stader som kan ha bestemt at det skal vera trekk i inntekta di:

•    Statens innkrevingssentral, Postboks 455, 8601 Mo i Rana, tlf 75 14 90 00
•    Skatteetaten, tlf. 800 800 00 www.skatteetaten.no
•    Namsmannen i Voss, postboks 100, 5701 Ski. Tlf. 56 52 87 00