Anlegget er dimensjonert for 20.000 personar. Det er kap 14 i Forurensningsforskrifta som set krav til drift og reinseresultat.

Slammet som vert tatt ut av avløpsvatnet vert pumpa opp i rotnetanken der ein har ei opphaldstid på ca 20 dager i 37 grader utan luft. Ein får då ei redusert mengde organisk substans i slammet, og utvinn biogass. Denne gassen vert brukt til oppvarming av reinseanlegget. Slammet går vidare til avvatning og sidan vert det køyrt til Grøn vekst Vestlandet som lager jordprodukt.

Det reinsa vatnet vert sleppt ut på om lag 15 meter djup i Vangsvatnet. Vangsvatnet er av god badekvalitet med akseptabelt bakterieinnhald.