Heimehjelp - Praktisk bistand

KORT FORTALT

Praktisk bistand er tenester til deg som på grunn av alder, sjukdom, funksjonsnedsetting eller anna treng hjelp til nødvendige daglege gjeremål.

Heimehjelpa kan utføra praktiske oppgåver som reingjering, klesvask og sengetøyskift. I tillegg kan du få råd, rettleiing og opplæring for at du skal klare deg best mogleg heime.

Det du klarar å utføra sjølv, skal du gjera sjølv så langt det er mogeleg. Til dømes dersom du sjølv kan tørka støv med hjelp av eit hjelpemiddel, for eksempel vasketralle, vert det ikkje tildelt hjelp til å tørka støv.

Pris finn du her

Søk helse- og omsorgstenester

Kva må du sjølv gjera?

gjere deg kjend med innhaldet i vedtaket.
vere til stade når tenesteytar utfører praktisk bistand. Elles må det meldast frå seinast dagen før.
når du mottek tenester i heimen vert heimen automatisk tenesteytar sin arbeidsplass. Det vert forventa at du bidreg til å skape ein god arbeidsplass for tenesteytar jf. vedtektene i Arbeidsmiljølova.
ha nødvendig utstyr som skal ha standard tilsvarande det ein har i ein norsk heim.
gje beskjed innan 1 veke på førehand dersom det er ynskje om å avlysa besøket/byta dag. Ved akutte situasjonar må det verta gitt snarleg beskjed.
heimen er lagt til rette for at heimehjelparen får ein god arbeidsplass, evt. tek initiativ til/tek i mot hjelp til utbetring av bustad.
fungera som arbeidsleiar iht. Arbeidsmiljølovens vedtak om eit godt arbeidsmiljø.
reinhald vert normalt ikkje utført når det er besøkjande til stade.
møblar og utstyr i heimen må tilpassast ny livssituasjon.

Oppgåver som ikkje inngår i heimehjelp

Stryking av klede.
Reingjering av område over ”skulderhøgd” eller rom som ikkje er i bruk.
Hagearbeid som stell av blomster, plenklypping og/eller raking.
Storreingjering av tak og vegger, vask av vindauge, boning av golv, lufting av store/tunge tepper, pussing av sølvtøy/kopar, innvendig vask av skap, skifting av dobbeltvindauge etc.
Baking.
Rydda og vaska opp etter friske pårørande eller besøkjande.
Hjelp til kjæledyrhald.
Frakting av boss.
Gjera i stand til høgtider. Kan i spesielle tilfelle avtalast innafor tilmålt tid der brukar bur åleine og ikkje har pårørande i nærleiken.
Tenesteytar har ikkje høve til å nytta brukaren sitt bankkort for kontantuttak eller handel. Tenesteytar skal heller ikkje handtera brukaren sine kontantar.
Flytting av møblar.