Barnebustad – avlasting for born og unge med funksjonsnedsetting

Barnebustaden er eit tilbod for born og unge med store funksjonsnedsettingar eller alvorleg somatisk sjukdom, som har behov for ekstra omsorg og pleie. Tilbodet skal bidra til at barnet får eit godt og fullverdig liv, og at familien får nødvendig støtte.

Sist endra 24.06.2025 07.54

Kva hjelp kan du få?

Tilbodet gjev:

Omsorg og pleie i trygge og tilpassa bustadar
Tilrettelegging for at barnet får eit godt og meiningsfullt liv
Avlasting for foreldre og omsorgspersonar med særleg krevjande omsorgsoppgåver
- Moglegheit for kvile, ferie og deltaking i samfunnsliv
- Støtte til å pleie familierelasjonar og sosialt nettverk

Kven passar tilbodet for?

Tilbodet er for:

Born og unge med alvorlege funksjonsnedsettingar eller sjukdom som krev omfattande omsorg og oppfølging
Familiar og omsorgspersonar som har særleg tyngjande omsorgsoppgåver og har behov for avlasting
Born med nedsett funksjonsevne, som har rett til særleg omsorg og hjelp tilpassa sin situasjon

Barnebustad eller avlastningsbustad?

Kommunen skil mellom to typar bustadar:

Barnebustad:
Når barnet har behov for å bu fast utanfor heimen på permanent grunnlag. Dette er eit bu- og tenestetilbod for born med omfattande omsorgsbehov.
Avlastningsbustad:
Når barnet bur heime, men får opphald i bustaden i periodar der familien har behov for avlasting.

Kvar held me til?

Me held til i eit moderne bygg i Skulestadmoen fordelt over to etasjar, med eigne bustadar tilpassa born og unge.

Viktige fristar for å søkje/avtale avlasting

Planleggingsdagar for heile skuleåret:
Søknadsfrist innan utgangen av september i gjeldande skuleår
Sommaravlasting:
Søknadsfrist innan 1. mars
All anna avlasting:
Søknadsfrist minst tre månader før ynskja opphald