Kva hjelp kan du få?

Heimesjukepleia kan hjelpa deg med:

• sårstell
• personleg hygiene og stell
• hjelp til å ta medisinar
• rettleiing og opplæring i å meistre kvardagen

Me vurderer saman med deg kva hjelp du treng. Tenesta vert tilpassa dine behov og kan vare i kort eller lang tid.

Kven passar tilbodet for?

Heimesjukepleie er for deg som:

• Har ein akutt eller kronisk helsetilstand og treng hjelp til grunnleggjande helse- og omsorgsbehov
• Ikkje klarar å oppsøkje helsehjelp sjølv på grunn av sjukdom eller funksjonsnedsetting
• Har behov for førebyggjande tiltak, rehabilitering, målretta trening, råd og rettleiing
• Treng pleie og støtte i ulike fasar av livet
• Har kognitiv svikt og derfor har vanskar med å formidle eller forstå eigne behov knytt til eigenomsorg og helse
• Er over 18 år og bur heime

Slik vurderer me søknaden din

Når du søkjer om heimesjukepleie, vurderer me:

• Behovet ditt for helsehjelp – Me ser på kva du klarar sjølv, og kva du treng hjelp til
• Medisinhandtering – Hovudregelen er at du tek hand om medisinane dine sjølv. Dersom du brukar multidose direkte frå apoteket, får du ikkje hjelp til å administrere medisinar. Me kan hjelpe med:
  • Bestilling av reseptar frå lege
  • Kontakt med apotek
  • Administrering av enkeltdoser, gjerne via elektronisk medisindispensar
• Sårbehandling og medisinske tiltak – Sår skal vanlegvis følgjast opp av lege. Me gjev sårstell heime berre dersom du ikkje kan møte på legekontor. Det same gjeld prøvetaking, undersøkingar og injeksjonar.
• Observasjon – Måling av blodtrykk, puls og liknande blir gjort ved behov for observasjon. Dette skal vere fagleg grunngjeve og tidsavgrensa.
• Digital heimeoppfølging – Me brukar velferdsteknologi der det er mogleg, som alternativ til fysisk oppmøte.
• Omsorg ved livets slutt – Me vil så langt det let seg gjere imøtekomme ønskje om å få døy i eigen heim.

Slik søkjer du

Du finn informasjon om korleis du søkjer her:

Søk helse- og omsorgstenester