Langtidsopphald
Langtidsopphald er for deg som har varig behov for pleie og omsorg heile døgnet. Du kan få langtidsopphald dersom:
- helsetilstanden din er varig svekka
- du treng omfattande helse- og omsorgstenester
- andre helse- og omsorgstenester allereie er prøvd ut
- det er ikkje sannsynleg at du kan flytte heim igjen
Korttidsopphald
Korttidsopphald er for deg som treng døgnkontinuerleg pleie og omsorg i ein avgrensa periode. Det finst ulike typar korttidsopphald:
Rehabiliteringsopphald
For deg som er ferdig behandla og motivert for opptrening og eigeninnsats for å gjenvinne eller lære nye ferdigheiter. Voss herad kartlegg funksjonsnivået ditt og kva hjelp du treng.
Lovpålagd teneste.
Behandling og utgreiingsopphald
For deg som treng kartlegging av funksjonsnivå og hjelpebehov, eller lindrande behandling i livets siste fase. Voss herad vurderer heimesituasjonen din og kva hjelpemiddel du eventuelt treng.
Lovpålagd teneste.
Vekselopphald
For deg som treng jamleg støtte for å vedlikehalde funksjon, tryggleik, kognisjon eller ernæring. Opphaldet skal også vere ei avlasting for pårørande.
Lovpålagd teneste.
Avlastningsopphald
For å gje pårørande ei pause frå omsorgsoppgåver. Opphaldet kan gje tid til ferie, kvile, deltaking i samfunnsliv eller pleie av sosiale relasjonar.
Lovpålagd teneste.
Augeblikkeleg hjelp opphald
Informasjon om opphaldet finn du her:
Augeblikkeleg hjelp - kortvarig opphald